Jafntefli niðurstaðan í Víkinni.

Ég þakka fyrir samfylgdina, viðtöl og skýrsla væntanleg.

Víkingur fær aukaspyrnu á fyrirgjafarstað.

Boltinn kemur inn á teiginn en það er skallað frá.

ÍA fær horn.

Boltinn kemur inn á teiginn og hendi dæmd á Skagamenn.

Viktor Örlygur lætur vaða úr aukaspyrnunni en Árni Marinó fer létt með þetta skot.

Fjórum mínútum bætt við.

Mjög lítið eftir af þessum leik. Liðin lítið að ógna um þessar mundir. Væri gaman að fá sigurmark.

Valdimar liggur eftir sárþjáður og þarfnast aðhlynningar.

Boltinn dettur fyrir Helga Guðjóns inni á teignum en hann neglir boltanum rétt yfir markið.

Skagamenn vinna horn.

Boltinn kemur inn á teiginn en Aron Elís skallar frá. Í kjölfarið ná Skagamenn skoti sem Aron ver í horn.

Boltinn kemur inn á teiginn en Víkingar bægja hættunni frá.

Markús Páll vinnur hornspyrnu fyrir ÍA.

Boltinn kemur inn á teiginn en Víkingar hreinsa frá.

Árni með misheppnaða sendingu úr markinu sem Aron Elís kemst í. Aron kemur boltanum á Valdimar sem lætur vaða en Árni, sem nær að komast til baka í markið, ver með fætinum og afturfyrir fer boltinn.

Hornspyrnan kemur inn á teiginn en Skagamenn hreinsa frá.

Aron Snær með langan bolta úr marki Víkings. Sveinn Aron fleytir boltanum áfram í hlaupaleið Stígs.

Stígur brunar að marki ÍA, Árni Marinó rýkur út úr markinu og sér við Stígi sem reyndi að lyfta boltanum yfir hann.

Skagamenn hafa byrjað seinni hálfleikinn af miklum krafti. Jöfnuðu auðvitað leikinn og eru byrjaðir að halda vel í knöttinn.

Ármann fer inn á völlinn og reynir að skrúfa boltann í fjærhornið en boltinn yfir markið.

ÍA fær horn.

Boltinn kemur inn á teiginn og hann dettur síðan fyrir Stíg Diljan sem þrumar boltanum framhjá nærstönginni.

Róbert Orri brýtur af sér og Skagamenn fá aukaspyrnu á góðum stað.

Boltinn kemur inn á teiginn en Oliver Ekroth skallar frá.

Löng sókn Víkings endar með skoti frá Ármanni Inga sem fer í varnarmann og afturfyrir.

Boltinn kemur inn á teiginn en Gísli Eyjólfs skallar frá.

Markús Páll sparkar þessu í gang á ný.

Skemmtilegur fyrri hálfleikur að baki. Þrjú mörk komin í þennan leik og það stefnir allt í að mörkin verði fleiri.

Víkingar heilt yfir sterkari aðilinn í fyrri hálfleik. Þeir hafa nýtt föstu leikatriðin vel og Skagamenn höfðu varla náð að ógna þeirra marki áður en Markús Páll minnkaði muninn.

Ágætis fyrri hálfleikur hjá ÍA. Þeir hafa nokkrum sinnum komist upp að endamörkum en það hefur vantað herslumuninn inni á teignum. Mikilvægt fyrir þá að minnka muninn skömmu fyrir hálfleik.

Víkingur fær horn.

Boltinn kemur inn á teiginn en Viktor Jóns skallar frá.

Í kjölfarið kemur fyrirgjöf frá Víkingum inn á teiginn og Róbert Orri nær að pota boltanum í átt að marki gestanna en Árni Marinó nær að loka á hann.

Stígur Diljan fer inn á völlinn og lætur vaða langt fyrir utan teig. Skotið er fast og Árni Marinó í smá vandræðum með það en ver.

Víkingur fær horn.

Hornspyrnan nær ekki framhjá fyrsta manni og Erik Tobias hreinsar frá.

Steinar vinnur horn fyrir Skagamenn.

Boltinn kemur inn á teiginn frá Guðmundi og Erik Tobias nær snertingu á boltann en Víkingar hreinsa frá.

Víkingur fær horn.

Boltinn kemur inn á teiginn, Sveinn Aron rís manna hæst og nær skalla en Markús Páll nær að komast fyrir.

Fallegt samspil hjá Skagamönnum endar með því að Steinar kemst upp að endamörkum.

Fyrirgjöf hans er góð og ratar beint á pönnuna á Viktori en hann stangar boltann rétt yfir markið.

Böðvar kemst upp að endamörkum, kemur með fína fyrirgjöf inn á teiginn og það er mikill darraðadans inni á teignum en Víkingar ná að hreinsa frá.

Víkingar hefja skyndisókn eftir hornspyrnu ÍA.

Valdimar æðir upp völlinn, finnur Ármann Inga en skotið hans ver í varnarmann og afturfyrir.

Hornspyrnan ratar á Stíg en hann missir boltann af velli.

Víkingur fær horn.

Víkingur fær sína fyrstu hornspyrnu.

Hættulegur bolti inn á teiginn og Róbert Orri er í baráttunni en ÍA bægja hættunni frá.

Það er mark komið í þennan leik en lítið um færi hingað til. Frekar rólegar fyrstu 15.

Árni Marinó að leika sér að eldinum og er við það að koma sér í vesen en Valdimar brýtur á honum.

ÍA fær fyrsta horn leiksins.

Boltinn kemur inn á teiginn en Böðvar nær ekki að stýra skallanum á markið.

Sveinn Aron sparkar þessu í gang.

Sölvi Geir Ottesen, þjálfari Víkings, gerir þrjár breytingar á liði sínu eftir 2-1 útisigur gegn KR. Gylfi Þór Sigurðsson, Daníel Hafsteinsson og Karl Friðleifur Gunnarsson eru allir utan hóps. Afar líklegt er að Gylfi er að vera hvíldur og Daníel tekur út leikbann. Sölvi Stefánsson, Viktor Örlygur Andrason og Sveinn Aron Guðjohnsen koma inn.

Lárus Orri Sigurðsson, þjálfari ÍA, gerir eina breytingu eftir 4-1 sigur gegn Breiðabliki. Haukur Andri Haraldsson fær sér sæti á bekknum og Guðmundur Þórarinsson kemur inn í hans stað.

Víkingur tryggði Íslandsmeistaratitilinn gegn KR fyrir landsleikjahlé og eru í rauninni ekki að spila upp á neitt.



ÍA eru með 33 stig í 5. sæti efri hlutans og ljóst er að Skagamenn hafa ekki möguleika á Evrópusæti.

Fjórir Íslandsmeistarar taka út leikbann þegar Víkingur fær ÍA í heimsókn eftir landsleikjahlé. Sveinn Margeir Hauksson og Daníel Hafsteinsson sáu rautt utan vallar og þeir Aron Baldvin Þórðarson aðstoðarþjálfari og Hajrudin Cardaklija markmannsþjálfari sáu einnig rautt undir lok leiks gegn KR.

Hrannar Snær Magnússon mun ekki spila frekar með Íslandsmeisturum Víkings á tímabilinu þar sem hann er ristarbrotinn.

Þetta staðfesti Hrannar í samtali við Fótbolta.net fyrir fimm dögum.

Danski varnarmaðurinn Tarik Ibrahimagic hefur framlengt samning sinn við Íslandsmeistara Víkings til næstu þriggja ára.

Gylfi Þór Sigurðsson hefur verið að spila í gegnum rifbeinsbrot en verður að öllum líkindum hvíldur í næsta leik Víkings, sem mætir ÍA á heimavelli á sunnudagskvöld.

Til að hita upp fyrir endurkomu deildarinnar fékk Fótbolti.net fimm álitsgjafa til að líta yfir tímabilið til þessa. Spurning dagsins snýr að erfiðustu stuðningsmönnunum.

Hér fyrir neðan eru allir molarnir sem birtust um ÍA í risastóra slúðurpakka fótbolta.net sem kom út í vikunni.

ÍA
Lárus Orri Sigurðsson á ár eftir af samningi sínum við ÍA en slúðrað hefur verið um að hann verði mögulega ekki áfram.

Heimir Guðjónsson verður ekki áfram með Fylki og hefur hann verið orðaður við ÍA, orðrómur um að hann hafi þegar fundað með Skagamönnum.

ÍA er á eftir Tómasi Orra Róbertssyni en Víkingur hefur einnig áhuga á honum. Þá eru Skagamenn með augastað á Víkingunum tveimur, Daða Berg Jónssyni og Björgvini Brima Andréssyni.

Markús Páll Ellertsson verður mjög líklega seldur erlendis í vetur. Hann hefur verið orðaður við Silkeborg, Lyngby, Rosenborg og Thun.

Karl Ágúst Karlsson, leikmaður HK, er á óskalista ÍA og er búist við tilboði frá Skaganum í kantmanninn efnilega. Skagamenn eru jafnframt á höttunum eftir öðrum efnilegum leikmanni úr Kórnum, Bjarka Erni Brynjarssyni.

Mikael Máni Þorfinnsson er sömuleiðis leikmaður sem félagið hefur áhuga á en mikill áhugi er á Grindvíkingnum.

ÍA og Víkingur hafa bæði áhuga á Markus Nakkim sem er með lausan samning hjá Val.

Johannes Vall og Erik Tobias Sandberg eru að verða samningslausir hjá ÍA og munu yfirgefa félagið og þá er Rúnar Már Sigurjónsson að hætta. Rúnar vill starfa áfram innan fótboltans.

Birnir Breki Burknason, Breki Þór Hermannsson og Matthías Daði Gunnarsson léku allir á láni frá ÍA í sumar og gætu þeir allir yfirgefið félagið í vetur.

Hér fyrir neðan eru allir molarnir um Víking sem birtust í risastóra íslenska slúðurpakkanum í vikunni.

Víkingur R.
Víkingur er að skoða markmannsmálin og hefur augastað á Ásgeiri Orra Magnússyni, markverði Keflavíkur. Aðrir markverðir eins og Ólafur Örn Ásgeirsson (HK), Frederik Schram (Valur), Ásgeir og Lúkas Blöndal Petersson (Hoffenheim) hafa verið orðaðir við Víkina.

Ögmundur Kristinsson og Sveinn Aron Guðjohnsen eru með lausa samninga við Víking og óvíst hvort þeir verði áfram. Sveinn Aron skrifaði undir samning út árið í lok sumargluggans og líkur á að framherjinn vilji reyna aftur fyrir sér erlendis.

Tómas Orri Róbertsson er á óskalista Víkings og FH gæti fengið Jóhannes Kristinn Bjarnason á móti.

Björgvin Brimi Andrésson er í harðri samkeppni hjá Víkingi og gæti séð möguleika á stærra hlutverki annars staðar. Grótta vill halda honum og ÍA fylgist með stöðu hans.

Daði Berg Jónsson er sömuleiðis orðaður í burtu frá meisturunum. ÍA, Breiðablik og Valur eru félögin sem nefnd eru í tengslum við hann.

Stígur Diljan Þórðarson er á blaði hjá erlendum félögum og var U21 landsliðsmaðurinn orðaður við svissnesku meistarana í Thun í sumar.

Markus Nakkim (Valur) er með lausan samning og hefur hann verið orðaður við Víking og ÍA.

Víkingur er að skoða framherjamálin hjá sér og er félagið orðað við þá Hólmbert Aron Friðjónsson, Emil Atlason og Stefan Alexander Ljubicic.

Óskar Borgþórsson hefur verið orðaður við Luton á Englandi og í sumar reyndu GAIS og Konyaspor að fá hann.

Hólmar Örn Eyjólfsson er að renna út á samningi hjá Val og gæti lagt skóna á hilluna. Hann hefur verið meðal annars orðaður við Víking, Þrótt og HK.

Óskar Borgþórsson og Daníel Hafsteinsson mættu í hljóðver til Kára Snorrasonar og fóru yfir tímabilið hjá Íslandsmeisturum Víkings. Meðal umræðuefna var árangurinn í deildinni, rígurinn gegn KR og Evrópa.

Tómas Orri, leikmaður FH, hefur undanfarið verið orðaður við bæði Víking og ÍA.

„Það er alltaf smá viðurkenning að maður sé að gera ágæta hluti. En svo er ég bara að fókusa FH og mér líður vel í Kaplakrika. Ég er leikmaður FH í dag og líður vel þar og það er í rauninni ekki hægt að segja neitt meira eins og staðan er í dag," sagði Tómas.

Sigurður Hjörtur Þrastarson er aðaldómari í dag. Honum til halds og trausts eru Kristján Már Ólafs og Þráinn Jón Elmarsson.

Aðalbjörn Heiðar Þorsteinsson er fjórði dómari og Oddur Helgi Guðmundsson er eftirlitsmaður KSÍ.

Heil og sæl kæru lesendur og verið hjartanlega velkomin í þráðbeina textalýsingu frá Víkinni.

Klukkan 19:15 hefst leikur Víkings og ÍA í Bestu deild karla. Þetta er fyrsti leikur liðanna eftir langt landsleikjahlé.