Fotbolti.net
Besta deildin
Kári Snorrason
Kári Snorrason
Besta karla - Efri hluti
Eikarvöllurinn
Góður blástur og rigning
Breiðablik
Breiðablik
3 - 1
Keflavík
Keflavík
Viktor Karl Einarsson 18'1 - 0Jónatan Guðni Arnarsson 69'2 - 02 - 176' Eiður Orri RagnarssonHöskuldur Gunnlaugsson 91'3 - 1
Dómari: Arnar Ingi Ingvarsson
Áhorfendur: 411

SKÝRSLAN: Lengjubikarsbragur á Eikarvelli

Hvað réði úrslitum?

Stemningin í kringum leikinn var lítil sem engin, skiljanlega kannski. Bæði lið höfðu að litlu að keppa og svo voru veðurguðirnir alls ekki í stuði. Íslenska haustlægðin spilaði stórt hlutverk í leiknum og fáir áhorfendur í stúkunni. Ákveðin Lengjubikars stemning yfir leiknum. Sterkar vindhviður gerðu leikmönnum beggja liða erfitt fyrir þrátt fyrir að þeir hafi reynt að gera sem best úr hlutunum. Yfir heildina litið voru Blikar ofan á í leiknum og unnu nokkuð sanngjarnan sigur. Ásgeir í marki Keflvíkinga átti stórar vörslur en gestirnir frá Keflavík reyndu lítið á hinn unga Gylfa Berg í marki Blika.

Bestu leikmenn

1. Höskuldur Gunnlaugsson

Höskuldur skoraði og lagði upp og var sterkur í baráttunni. Einn besti leikur hans í sumar. Skoraði sitt 100. mark fyrir Breiðablik í 400. leik sínum fyrir félagið.

2. Eiður Orri Ragnarsson

Eiður var hættulegasti leikmaður Keflavíkur og skoraði laglegt mark. Óheppinn að skora ekki annað mark.

Atvikið

Glæsimark Jónatans Guðna á þessa nafnbót svo sannarlega skilið. Úr efstu hillu.

Hvað þýða úrslitin?

Úrslitin sem slík breyta litlu fyrir bæði lið. Stigin þrjú setja Blika þó í betri stöðu upp á að tryggja 4. sætið. Breiðablik er með tveggja stiga forskot á Skagamenn nú þegar tvær umferðir eru eftir. Keflvíkingar eru í 6. sæti, fimm stigum á eftir ÍA.

Vondur dagur

Nacho Heras kom inn á sem varamaður hjá Keflavík og gerðist sekur um slæm mistök er hann þræddi Höskuld Gunnlaugsson, leikmann Breiðablik, einan í gegn sem þakkaði pent fyrir sig og kláraði vel.

Dómarinn - 8

Lítið hægt að setja út á kvartettinn í dag.
Fotbolti.net

© Copyright 2002-2026 Fotbolti.net / Fotbolti Ehf. All rights reserved.