Þetta var loka sparkið í leiknum. Skelfileg úrslit fyrir KA menn í fallbaráttunni, en Valur færist nær forsetabikarnum.

Valdimar með spyrnuna en Valsmenn skalla frá. KA menn halda sókninni áfram og boltinn kemur inn í teig. Birgir nær skallanum og hann leggur hann á Römer sem er í dauðafæri en hann nær ekki nógu góðu skoti og þessi fer framhjá.

KA fær horn.

Lúkas Logi með skotið fyrir utan teig, það var fast en framhjá.

Gengur voða lítið hjá KA mönnum að skapa færi til að gefa sér séns á úrslitum.

Lúkas Logi með þrumuskot fyrir utan teig, beint á Steinþór sem nær þó ekki boltanum í fyrsta en gerir það í annari tilraun.

Aukaspyrna hjá Val og Tryggvi lyftir boltanum inn í teiginn þar sem Nakkim nær skallanum. KA menn heppnir þarna því boltinn skellur í slánni.

Hallgrímur fær boltann vinstra megin í teignum. Hann tekur eina snögga hreyfingu til hliðar og tekur svo skotið á fjær en Stefán sér við honum.

KA menn skapa ágætis færi eftir aukaspyrnu en Jakob með skotið himinhátt yfir markið.

Valsmenn með aukaspyrnu og Tryggvi tekur skotið. Það er fast en beint á Steinþór sem kýlir boltann yfir.

Jakob Franz reynir skotið af svona 30 metra færi, það er fast og frekar hnitmiðað en Steinþór sér við honum.

Flott samspil sprengir upp vörn KA manna og Jakob Franz leggur boltan fastan fyrir á Tryggva. Hann tekur skotið úr frábæru færi en KA menn rétt ná að koma sér fyrir skotið.

Allt jafnt í hálfleik hér á Hlíðarenda. Afar bragðdauft til að byrja með í leiknum en svo lifnaði heldur betur við þessu. Færi á báða bóga og allt ennþá í lausu lofti.

Vonandi heldur það áfram inn í seinni hálfleikinn.

Valsmenn með aukaspyrnu og Tryggvi lyftir boltanum inn á teig. Nakkim nær skallanum sem fer rétt framhjá stönginni!

KA með hornspyrnu á nær og Mikael tekur skallann sem fleytir boltanum áfram. Boltinn fer þá til Andre Romer sem er nánast á marklínu og þarf bara að pota boltanum yfir línuna, en hann fer yfir boltann og nær því ekki og Vals menn ná því að bjarga boltanum frá því að fara í markið á síðustu stundu.

Boltinn skoppar fyrir framan Birgi sem reynir skotið fyrir utan teig. Hann hittir boltan hins vegar illa en skotið er þá laust og fer beint á Adam sem er þá í dauðafæri inn í teig. Hann var líkast til ekki alveg að búast við boltanum og kemur því hinum ekki alveg undan sér og skotið þá beint á Stefán.

Hár bolti inn á teig KA manna og þeir eru í stökustu vandræðum við að eiga við þetta. Boltinn dettur þá bara beint fyrir Veseli sem tekur skotið úr góðu færi en Stubbur ver vel.

KA menn byggja upp sókn og Adam reynir hælspyrnu en hittir ekki boltann. Boltinn fer samt af honum og til Jakbos fyrir utan teig sem tekur bara skotið og boltinn skellur í stönginni og fer aftur fyrir.

KA menn fá horn, og Mikael Breki lyftir boltanum inn í teig. Úr verður smá skallatennis sem endar með að boltinn dettur fyrir Birgi á vítapunktinum. Hann tekur skotið en nær ekki nógu góðri snertingu á boltann og skotið yfir.

KA fær aukaspyrnu svona 10-15 metrum frá vítateignum. Hallgrímur tekur spyrnuna en þessi var ekki góð, vel framhjá markinu.

Heldur betur ekki, KA menn vinna boltann strax aftur eftir spyrnuna.

Þá fá Valsmenn sína fyrstu hornspyrnu. Spurning hvort það gengur betur hjá þeim.

Spyrnurnar báðar hins vegar ekki gengið vel. Þessi fer bara beint aftur fyrir.

Fín byrjun hjá KA mönnum, þeir sækja sína aðra hornspyrnu á þessum fyrstu mínútum.

Elías flautar og leikurinn er kominn af stað!

Eina mínútu yfir ganga leikmenn til vallar, byrjunin seinkar því eitthvað smá.

Chris Brazell þjálfari Vals gerir fjórar breytingar á sínu liði sem tapaði 5-3 fyrir FH í síðustu umferð. Það er breyting á markverði þar sem Stefán Þór Ágústsson kemur í markið á meðan Frederik Schram sest á bekkinn. Þá koma einnig inn Jakob Franz Pálsson, Myles Veldman og Shkelzen Veseli. Hörður Ingi Gunnarsson sest á bekkinn, en Jónatan Ingi Jónsson og Ingimar Torbjörnsson Stöle eru ekki í hóp.

Eiður Smári Guðjohnsen og Hallgrímur Jónasson þjálfarar KA halda liðinu alveg óbreyttu frá 3-0 sigri liðsin gegn Stjörnunni í síðustu umferð.

Elías Ingi Árnason verður með flautuna í kvöld. Aðstoðarmenn hans verða Jovan Subic og Þráinn Jón Elmarsson, á meðan Pétur Guðmundsson sér um fjórðu dómara verkefnin.

Valur 0 - 3 KA
Valsmenn eru bara alveg hættir. KA að berjast fyrir lífi sínu. Þetta verður bara vel sannfærandi hjá KA. Þeir þurfa þennan sigur eins og súrefni. Adam Ægir skorar 2 mörk.

Ef það fer eins og veðbankar halda í dag, þá verða KA menn í fallsæti eftir umferðina.

KA menn eru í mikilli fallhættu þar sem þeir eru aðeins með tveimur stigum meira en Þór sem situr í fallsæti einu sæti fyrir neðan KA. Norðanmenn hafa unnið síðustu tvo leiki með þremur mörkum gegn engu og eru því á miklu flugi.

Einn áhugaverður möguleiki sem er enn til staðar fyrir KA er að þeir gætu unnið Forsetabikarinn. Valur er í 7. sæti eins og er, með fimm stigum meira þegar tveir leikir eru eftir.

Það er ekkert eftir fyrir Valsara að spila fyrir nema að reyna að enda í 7. sæti og ná þá í forseta bikarinn. Þeir gætu þó reynt að mótivera sig með þeim hætti að þeir geta haft áhrif á fallbaráttuna þar sem KA er enn í mikilli fallhættu.

Komið þið sæl og verið velkomin í beina textalýsingu frá leik Vals og KA í 26. umferð Bestu deildar karla. Leikurinn hefst klukkan 13:00 og verður spilaður á N1-vellinum Hlíðarenda.