Emery létt eftir fyrsta heimasigurinn - „Áttu kannski ekki skilið að fá á sig sex mörk“
Unai Emery, stjóri Aston Villa, var ánægður með að fyrsti heimasigur tímabilsins væri loksins í höfn eftir að liðið valtaði yfir Fenerbahce, 6-0, í Meistaradeildinni í vikunni. Gengi Aston Villa hefur verið nokkuð brösugt í upphafi tímabilsins en nú virðist liðið loksins vera að komast á skrið.
Villa lék sér að Fenerbahce í Meistaradeildinni og vann 6-0 stórsigur þar sem Nicolas Jackson og Ross Barkley skoruðu tvö mörk hvor, auk þess sem Johan Manzambi og Tammy Abraham komust á blað.
„Á heildina litið var þetta mjög góður leikur. Það er enn ýmislegt sem við getum bætt en úrslitin voru frábær. Kannski átti Fenerbahce ekki skilið að fá sex mörk á sig.“
„Við höldum áfram að bæta okkur og þessi sigur gerir sjálfstraustinu gott. Við gerðum líka breytingar til að gefa fleiri leikmönnum tækifæri og hjálpa þeim að byggja upp sjálfstraustið. Frammistaðan var frábær en við vitum hversu erfið Meistaradeildin er,“ sagði Emery.
Hann var sérstaklega ánægður með Jackson sem er farinn að finna sitt gamla form og virðist ætla að gegna stóru hlutverki hjá Villa í vetur.
„Hann hefur hraðann og kraftinn til að hlaupa fyrir aftan vörnina en er líka tilbúinn að koma til baka og hjálpa til varnar. Þegar við sækjum viljum við hins vegar hafa hann inni í teignum. Brian Madjo er líka tilbúinn að spila en Jackson er okkar fremsti kostur í sókninni.“
Johan Manzambi átti sömuleiðis frábært kvöld en hann fagnaði 21 árs afmæli sínu með því að skora mark og fiska vítaspyrnuna sem Barkley nýtti. Svisslendingurinn hefur farið vel af stað hjá Villa síðan hann kom frá Freiburg í sumar og Emery hafði ekkert nema gott um hann að segja.
„Hann hefur verið mjög góður. Hann er ótrúlega viðkunnanlegur, algjör fagmaður og frábær liðsfélagi. Hann hefur líka fallið mjög vel inn í hópinn,“ sagði Emery.
EPA
Fyrir leik
Fernandez-Pardo þarf tíma til að aðlagast
Belgíski sóknarmaðurinn Matias Fernandez-Pardo hefur ekki náð sér á strik með Newcastle en hann kom til félagsins frá Lille í Frakklandi í sumar.
„Ungir leikmenn sem eru að koma í fyrsta sinn í ensku úrvalsdeildina þurfa aðlögunartíma. Það þarf að sýna þolinmæði," segir Matthias Jaissle, stjóri Newcastle, um þennan 21 árs leikmann.
„Auðvitað höfum við ekki mikinn tíma, svo þróunin og aðlögunin þarf að vera eins hröð og mögulegt er. En ég er ánægður að við sjáum hann nú þegar vera að koma sér í hættulegar stöður og skapa færi. Það vantar bara mark núna til að gefa honum sjálfstraust. Hann er frábær leikmaður sem getur náð langt."
Newcastle fær Aston Villa í heimsókn á laugardaginn. Jaissle segist vonast til þess að Bazoumana Toure, sem fór meiddur af velli í tapinu gegn Coventry á mánudag, geti verið í hóp. Anthony Elanga er enn á meiðslalistanum en gæti snúið aftur til æfinga í næstu viku.
Newcastle
Fyrir leik
Bað stuðningsmenn afsökunar - „Erum pirraðir"
Matthias Jaissle, stjóri Newcastle, bað stuðningsmenn liðsins afsökunar eftir 4-1 tap gegn Coventry í síðustu umferð.
„Við erum pirraðir. Þetta er ekki tilfinning sem þú vilt finna á mánudagskvöldi eftir leik sem þú telur þig hafa átt að vinna," sagði Jaissle.
„Við getum bara beðið stuðningsmenn afsökunar, þeir áttu skilið önnur úrslit. Við fengum tækifæri en það vantaði hungrið til að klára sóknirnar."
Newcastle er í 11. sæti með 8 stig eftir 6 umferðir.
EPA
Fyrir leik
Síðdegisleikurinn
Laugardagur 16:30 Newcastle - Aston Villa
Sunnudagur 13:00 Bournemouth - Sunderland 13:00 Brighton - Crystal Palace 13:00 Leeds - Man Utd 15:30 Nott. Forest - Arsenal
Unai Emery, stjóri Aston Villa, var ánægður með að fyrsti heimasigur tímabilsins væri loksins í höfn eftir að liðið valtaði yfir Fenerbahce, 6-0, í Meistaradeildinni í vikunni. Gengi Aston Villa hefur verið nokkuð brösugt í upphafi tímabilsins en nú virðist liðið loksins vera að komast á skrið.
Villa lék sér að Fenerbahce í Meistaradeildinni og vann 6-0 stórsigur þar sem Nicolas Jackson og Ross Barkley skoruðu tvö mörk hvor, auk þess sem Johan Manzambi og Tammy Abraham komust á blað.
„Á heildina litið var þetta mjög góður leikur. Það er enn ýmislegt sem við getum bætt en úrslitin voru frábær. Kannski átti Fenerbahce ekki skilið að fá sex mörk á sig.“
„Við höldum áfram að bæta okkur og þessi sigur gerir sjálfstraustinu gott. Við gerðum líka breytingar til að gefa fleiri leikmönnum tækifæri og hjálpa þeim að byggja upp sjálfstraustið. Frammistaðan var frábær en við vitum hversu erfið Meistaradeildin er,“ sagði Emery.
Hann var sérstaklega ánægður með Jackson sem er farinn að finna sitt gamla form og virðist ætla að gegna stóru hlutverki hjá Villa í vetur.
„Hann hefur hraðann og kraftinn til að hlaupa fyrir aftan vörnina en er líka tilbúinn að koma til baka og hjálpa til varnar. Þegar við sækjum viljum við hins vegar hafa hann inni í teignum. Brian Madjo er líka tilbúinn að spila en Jackson er okkar fremsti kostur í sókninni.“
Johan Manzambi átti sömuleiðis frábært kvöld en hann fagnaði 21 árs afmæli sínu með því að skora mark og fiska vítaspyrnuna sem Barkley nýtti. Svisslendingurinn hefur farið vel af stað hjá Villa síðan hann kom frá Freiburg í sumar og Emery hafði ekkert nema gott um hann að segja.
„Hann hefur verið mjög góður. Hann er ótrúlega viðkunnanlegur, algjör fagmaður og frábær liðsfélagi. Hann hefur líka fallið mjög vel inn í hópinn,“ sagði Emery.