Haraldur Örn Haraldsson @haraldur_orn

- Meðalaldur 26 ár

- Meðalaldur 21 ár

Hvað réði úrslitum? Smá heppni, mikil gæði og örlítið af aðstæðum. Fyrsta mark Vals var fyrirgjöf sem endaði í netinu, en KA svaraði ágætlega með því að jafna skömmu eftir það. Svo náðu þeir ekki að nýta sér að vera með vindinn í bakið restina af fyrri hálfleik. Í seinni hálfleik þá voru gæðin í framlínunni hjá Val sem kláraði þetta. Tryggvi og Dagur með frábært dagsverk. KA menn reyndu að komast aftur inn í leikinn, en mögulega bara of mikið. Allt sem þeir reyndu virtist full örvæntingarfullt. Bestu leikmenn 1. Tryggvi Hrafn Haraldsson (Valur) Tryggvi skorar stórfenglegt mark og er með þrjár stoðsendingar. Frábær leikur hjá honum í dag. 2. Dagur Orri Garðarsson (Valur) Tvö mörk hjá Degi í dag, og mér fannst hann á köflum fara illa með varnarmenn KA. Nýtti styrk sinn mjög vel í að halda boltanum uppi, og hraðan til að komast framhjá þeim. Atvikið Mark Tryggva á 50. mínútu er alveg stórkostlegt. Fær boltann til sín og heldur boltanum á lofti áður en hann neglir bolanum upp í skeytin.

Hvað þýða úrslitin? KA er í fallsæti stigi á eftir Þór eftir að erkifjendurnir unnu Stjörnuna í dag. Valur er í 7. sæti deildarinnar og líklegir að geta tekið forsetabikarinn. Vondur dagur Færanýting KA í fyrri hálfleik hefði þurft að vera betri, og spilamennskan að mestu í seinni þurfti að vera betri. Jeppe Pedersen var full mikið að gefa boltann frá sér, Andre Römer fékk tvö dauðafæri, og þó hann sé ekki þekktur markaskorari hefði hann átt að gera betur. Svo býst maður alltaf við svo miklu frá Hallgrím Mar, að þegar það kemur ekki mikið frá honum eins og í dag er maður aðeins svekktur. Dómarinn - 9 Elías og hans teymi gerðu þetta bara vel. Ekkert hægt að setja út á þá í dag, en aftur á móti var lítið um risa ákvarðanir fyrir þá að taka.

- Meðalaldur 28 ár

- Meðalaldur 22 ár