Sverrir Örn Einarsson @SEinarsson

- Meðalaldur 24 ár

- Meðalaldur 26 ár

Hvað réði úrslitum? Lið heimamanna vildi þetta einfaldlega miklu meira. Þeir hlupu meira, þeir börðust meira og virkuðu einfaldlega miklu klárari í verkefnið sem fyrir höndum var. Á sama tíma einkenndi algjört andleysi lið Stjörnunar og maður fékk það örlítið á tilfinninguna að þeir varla nenntu að vera þarna. Bestu leikmenn 1. Ásbjörn Líndal Arnarsson Annan leikinn í röð ætla ég að gefa Ásbirni þetta. Þó ekki væri nema fyrir það að láta bara vaða beint úr aukaspyrnu og koma sínum mönnum aftur inn í leikinn með virkilega snotru marki. 2. Þorri Ingólfsson Hljóp á við þrjá eins og svo oft áður og var ógnandi fram á við. Kórónaði fínan leik sinn með góðu marki sem innsiglaði sigurinn endanlega. Atvikið Ég skrifa það á þriðja mark Þórs. Frábær skyndisókn sem endar með marki frá Þorra Ingólfssyni. Öll taugaspenna fór úr liði Þórs og þeir gátu leyft sér að njóta þeirra mínútna sem eftir lifðu leiks. Að sama skapi hvarf sú litla trú og orka sem eftir var í liði Stjörnunar.

Hvað þýða úrslitin? Úrslitin þýða einfaldlega að örlög Akureyrar eru í höndum Þórs, Þeir lyftu sér upp úr fallsæti og skildu granna sína í KA eftir í súpunni. Staða sem fáir sáu fyrir sér í síðasta leik fyrir landsleikjahlé. Vondur dagur Það er ekki hægt annað en að skrifa þetta á lið Stjörnunar sem heild. Hvort heldur sem er leikmenn eða teymið í kring. Olgeir Sigurgeirsson einn úr þjálfarateymi liðsins hafði á orði að hann hefði séð mikla bætingu á liðinu frá tapinu gegn KA á dögunum. Gott og vel enda sá ég ekki þann leik en mikið andskoti hefur sá leikur verið slakur því þessi leikur var síður en svo góður af hendi Stjörnunar

- Meðalaldur 27 ár

- Meðalaldur 23 ár