Velkomin með Fótbolta.net á Kópavogsvöll! Framundan er leikur Breiðabliks og KR. Leikurinn átti upphaflega að fara fram í síðasta mánuði en leik var hætt eftir nokkurra mínútna leik þegar Elfar Árni Aðalsteinsson, leikmaður Blika, hlaut höfuðhögg og var óttast hið versta. En sem betur fer fór mikið betur en á horfðist og Elfar er farinn að æfa á ný og var í leikmannahópnum í síðasta leik.

Ef KR vinnur þennan leik verður liðið Íslandsmeistari í 26. sinn. KR-ingar þurfa aðeins tvö stig úr síðustu fjórum leikjum sínum til að titillinn sé þeirra.

Breiðablik verður að vinna til að halda í vonina um að ná Evrópusæti. Liðinu hefur gengið illa síðustu vikur en er með 33 stig og á þrjá leiki eftir. Stjarnan er með 40 stig í þriðja sætinu og á tvo leiki eftir en liðin eigast við á sunnudag.

Leikurinn verður 54. leikur KR og Blika á Íslandsmóti. KR hefur sigrað í 26 leikjum, Beiðablik í 12 en 15 leikjum hefur lokið með jafntefli. Markatalan er 82-52 KR í hag. (Vefskrá KR)

Tveir í leikmannahópi Breiðabliks hafa leikið með báðum félögum í efstu deild. Gunnleifur Gunnleifsson markvörður lék 36 leiki með KR á árunum 1998 og 1999, þar af 11 í efstu deild. Jökull I Elísabetarson lék 140 leiki með KR á árunum 2001 til 2005, þar af 61 í efstu deild.

Báðir þjálfarar Breiðabliks, Ólafur Helgi Kristjánsson og Guðmundur Benediktsson, hafa leikið með KR í efstu deild. (Vefskrá KR)

Rauði baróninn, Garðar Örn Hinriksson, sér um að dæma leikinn en hann hefur verið einn besti dómari tímabilsins, ef ekki sá besti.

Ásgeir Þór Ásgeirsson og Andri Vigfússon flagga í dag og málarameistarinn Erlendur Eiríksson verður með skilti.

Ókeypis aðgangur er að leiknum en það var ákveðið eftir að fresta þurfti leiknum í síðasta mánuði.

Gary Martin, leikmaður KR:
\"Markmiðið er að vinna deildina í kvöld ef við getum. Breiðablik mun samt ekki gera þetta auðvelt fyrir okkur. Þeir vilja ekki að við vinnum titilinn á þeirra velli þar sem þeir komu sjálfir til greina í titilbaráttu fyrir tímabilið.\"

Bjarni Guðjónsson var hvíldur í síðasta leik en Þröstur Emilsson í KR-útvarpinu segir að hann sé klár í slaginn í kvöld. Hann var víst mættur á Kópavogsvöll rúmum tveimur tímum í leik. Byrjunarliðin fara að detta inn.

KR-ingar gera tvær breytingar á byrjunarliði sínu frá sigrinum gegn Fylki. Gunnar Þór Gunnarsson og Emil Atlason koma inn fyrir Guðmund Reyni Gunnarsson og Atla Sigurjónsson.

Breiðablik gerir tvær breytingar á sínu byrjunarliði. Rene Troost og Nichlas Rohde eru meiddir. Inn í liðið koma Elfar Freyr Helgason og Gísli Páll Helgason.

Í fréttamannastúkunni er spekúlerað hvernig Blikar munu stilla upp. Það kemur bara í ljós.

Kópavogsdjúsinn er í sínu besta standi. Afskaplega sterkur og bragðgóður.

Ólafur Kristjánsson, þjálfari Breiðabliks, stillir upp í 3-5-2 leikkerfið í kvöld.

Gunnleifur í marki; Þórður, Sverrir og Elfar eru hafsentar; Gísli Páll og Kristinn vængbakverðir; Finnur djúpur á miðju og Guðjón Pétur og Tómas Óli framar á miðju; Árni og Ellert fremstir.

Byrjunarlið KR:
Hannes
Haukur - Grétar - Grönner - Gunnar Þór
Jónas Guðni - Brynjar Björn
Baldur
Óskar Örn - Martin - Emil

Upphitun í fullum gangi. Fimmtán mínútur í leik og KR-hluti nýju stúkunnar að fyllast.

Hægur vindur. Rigningarlegt þó ekki dropi niður sem stendur. Líklegt þó að það fari að rigna á eftir.

Jæja liðin ganga út á völlinn. Vonandi fáum við einstaklega hressandi fótboltaleik.

Leikurinn er hafinn - Blikar byrja með boltann og sækja í átt að Sporthúsinu.

Óskar Örn með skemmtilegt skot eftir að boltinn barst til hans eftir fyrirgjöf frá vinstri. Klippti boltann á markið og Gunnleifur þurfti að hafa sig allan við að verja þetta í horn.

KR-ingar hættulegir í upphafi. Grétar Sigfinnur með skot yfir.

KR nálægt því að jafna! Óskar Örn Hauksson með skot en Gunnleifur varði, hélt ekki boltanum. Emil fékk hörkufæri en aftur varði Gunnleifur. Líf og fjör!

Brynjar Björn með skot fyrir utan teig. Yfir markið.

Ellert með skot fyrir utan teig en auðvelt fyrir Hannes.

Blikar komnir með þéttan varnarmúr. Liggja aftarlega.

Leikurinn afskaplega daufur þessar mínútur.

Óskar Örn Hauksson tók hornspyrnu. Rann í aðhlaupinu og sparkaði boltanum beint út af í markspyrnu. Mjög klaufalegt.

Guðjón Pétur Lýðsson með sprett og skot á markið en auðvelt viðureignar fyrir Hannes.

Hálfleikur - Blikar leiða í hálfleik. Ellert Hreinsson með eina markið.

Gísli Páll Helgason bað boltastrákana að hafa handklæði tilbúin fyrir seinni hálfleik. Það er von á löngum innköstum hjá Blikum eftir hlé!

Óskar Örn með hornspyrnu en Blikar hreinsuðu frá. Langt síðan almennilegt færi kom í þessum leik.

Fín sókn Blika, Tómas með sendingu sem sigldi rétt framhjá fjærstönginni.

Kjartan Henry Finnbogason er að hita.

Árni Vilhjálmsson einn á auðum sjó í fínu færi í teignum en hitti ekki boltann.

Blikar einfaldlega betri þessa stundina. Líklegri til að bæta við en KR að jafna segi ég.

1930 áhorfendur í kvöld.

Frábær fyrirgjöf á Baldur Sigurðsson sem var í dauðafæri en skallaði framhjá!

Árni Vilhjálmsson við það að sleppa í gegn. Virtist kolrangstæður en KR bjargaði á síðustu stundu.

Blikar að halda gestunum vel í skefjum. KR lítið að ná að skapa sér.

Árni Vilhjálms hefur verið mjög sprækur í dag. Hann með klobba og frábæra sendingu á Ellert sem var kominn einn í gegn en fór illa að ráði sínu. Var ekki eins beinskeyttur og þegar hann skoraði.

Maður leiksins: Árni Vilhjálmsson.

Það verður líka að hrósa Garðari Erni dómara. Hefur leyft mikið og leikurinn fengið að fljóta. Haldið línunni vel.

Komið að uppbótartíma.

Mjög döpur frammistaða hjá KR í kvöld. Breiðablik heldur Evrópuvonum sínum á lífi og leikur hörkuleik við Stjörnuna á sunnudaginn. Vel gert hjá Blikum í kvöld!