Sigur Chelsea er stærsti sigur liðsins á West Ham í sögunni. Liðið lék á als oddi í dag og hefði sigurinn getað orðið stærri en hinu megin hefði Jarrod Bowen hins vegar getað skorað en tréverkið gerði honum lífið leitt. Annar sigur Chelsra í röð staðreynd og aftur vinnur liðið Lundúnaslag því liðið lagði Tottenham á fimmtudaginn. Chelsea er nú komið upp fyrir Man Utd í töflunni, upp í 7. sætið, en United á leik til góða.

Það er ekki bjart yfir West Ham þessa dagana. Liðið hefur unnið einn leik af síðustu tíu deildarleikjum og er talið ólíklegt að David Moyes verði áfram stjóri liðsins.

Brighton var mun öflugra liðið á heimavelli sínum og tölfræðin sínir mikla yfirburði heimamanna. Pascal Gross kom boltanum í net Villa á 68. mínútu en rangstaða var dæmd eftir VAR-skoðun.

Sigurmarkið kom ekki fyrr en í lokin þegar Joao Pedro steig á vítapunktinn. Ezri Konsa hafði gerst brotlegur gegn Simon Adingra. Robin Olsen í marki Villa varði vítaspyrnuna en Pedro náði frákastinu og skoraði með skalla. Níu mínútum var bætt við en Aston Villa tókst ekki að finna jöfnunarmarkið. Brighton fór upp um tvö sæti með sigrinum, upp fyrir bæði Fulham og Wolves.

Brighton 1 - 0 Aston Villa
0-0 Joao Pedro ('85 , Misnotað víti)
1-0 Joao Pedro ('87 )

Chelsea 5 - 0 West Ham
1-0 Cole Palmer ('15 )
2-0 Conor Gallagher ('30 )
3-0 Noni Madueke ('36 )
4-0 Nicolas Jackson ('48 )
5-0 Nicolas Jackson ('81 )
Getur tekið tíma fyrir stöðutöfluna hér að neðan að uppfærast