Jadon Sancho lék sem fremsti maður í 3-0 tapi Manchester United í æfingaleik gegn Liverpool á dögunum. Sancho og Erik ten Hag hafa grafið stríðsöxina og sóknarmaðurinn leikið með Rauðu djöflunum á undirbúningstímabilinu.
Paris Saint-Germain hefur sýnt honum áhuga en samkvæmt nýjustu fréttum hefur ekki komið formlegt tilboð frá Frakklandsmeisturunum. Svo gæti farið að Sancho verði með United á komandi tímabili.
United mætir grönnum sínum í City í hinum árlega leik um Samfélagssskjöldinn á laugardaginn. Ten Hag sat fyrir svörum á fréttamannafundi í dag í tilefni leiksins og var spurður út í hlutverk Sancho innan liðsins.
„Jadon getur spilað í öllum sóknarstöðunum, hann er kostur í fleiri en eina stöðu. Það fer eftir því hvernig þú stillir upp liðinu. Jadon er með kosti sem geta nýst á mismunandi hátt eftir andstæðingum og okkar uppleggi," svaraði Ten Hag.
Paris Saint-Germain hefur sýnt honum áhuga en samkvæmt nýjustu fréttum hefur ekki komið formlegt tilboð frá Frakklandsmeisturunum. Svo gæti farið að Sancho verði með United á komandi tímabili.
United mætir grönnum sínum í City í hinum árlega leik um Samfélagssskjöldinn á laugardaginn. Ten Hag sat fyrir svörum á fréttamannafundi í dag í tilefni leiksins og var spurður út í hlutverk Sancho innan liðsins.
„Jadon getur spilað í öllum sóknarstöðunum, hann er kostur í fleiri en eina stöðu. Það fer eftir því hvernig þú stillir upp liðinu. Jadon er með kosti sem geta nýst á mismunandi hátt eftir andstæðingum og okkar uppleggi," svaraði Ten Hag.
Mount hefur átt gott undirbúningstímabil
Enski miðjumaðurinn Mason Mount var ekki áberandi á síðasta tímabili, meðal annars vegna meiðsla. Ten Hag tjáði sig einnig um Mount á fréttamannafundinum.
„Við vitum að hann er leikmaður í háum gæðaflokki. Síðasta tímabil var erfitt fyrir hann vegna meiðsla en nú hefur hann átt gott undirbúningstímabil. Hann mun skila einhverju til liðsins ef hann helst heill," sagði Ten Hag.
