Svava Rós Guðmundsdóttir, leikmaður NJ/NY Gotham FC í Bandaríkjunum, gekkst á dögunum undir aðgerð á mjöðm en hún greinir frá þessu á Instagram-síðu sinni.
Síðustu átta mánuðir hafa verið afar erfiðir fyrir Svövu sem hefur verið að ganga í gegnum erfið meiðsli.
Hún gekk í raðir portúgalska félagsins Benfica á láni frá Gotham í september á síðasta ári en fór úr mjaðmarlið mánuði síðar og ekki spilað fótbolta síðan.
Síðustu mánuði hefur hún veri í ströngu endurhæfingaferli og var hluti af því ferli aðgerð sem hún gekkst undir á dögunum.
Svava, sem er 28 ára gömul, verður ekki með næstu mánuði og ekki hægt að setja tímaramma á það hvenær hún snýr aftur á völlinn.
Athugasemdir
