Einkunnir U21 - Grátlegt jafntefli

Lúkas Petersson - 7
Varði tvisvar sinnum virkilega vel í tvígang eftir um það bil 35 mínútna leik. Góð frammistaða.

Daníel Freyr Kristjánsson - 7
Daníel var flottur í vinstri bakverðinum. Hann var góður varnarlega. Fínasta frammistaða.

Davíð Helgi Aronsson - 7
Davíð Helgi var góður í miðverðinum. Hann steig varla feilspor í leiknum.

Júlíus Mar Júlíusson – 7
Var að kljást við fínan framherja og stóð uppi sem sigurvegari í þeirri baráttu. Mjög sterk frammistaða í hjarta varnarinnar.

Hlynur Þórhallsson - 7
Skilaði inn góðu dagsverki í hægri bakverðinum. Ógnaði einnig fram á við með hættulegum hlaupum.

Freyr Sigurðsson – 6
Freyr átti nokkrar góðar sendingar í gegn. Fín frammistaða hjá honum.

Tómas Orri Róbertsson – 6
Lét ekki mikið til sín taka sóknarlega en var virkilega duglegur til baka og vann nokkrum sinnum boltann.

Galdur Guðmundsson – 7
Galdur var hættulegasti maður Íslands fram á við ásamt Ágústi Orra. Hann var óheppinn þegar hann fór á milli tveggja mann en negldi boltanum í slána.

Ágúst Orri Þorsteinsson – 8
Ágúst var mjög líflegur á kantinum. Hann vann auðvitað vítaspyrnuna en Daníel brenndi af. Hann lagði upp markið á Hilmi. Sterkt að fá Ágúst inn í þetta verkefni.

Daníel Tristan Guðjohnsen – 5
Daníel var mikilvægur í uppspili Íslands en vítaspyrnan var gríðarlega slök hjá honum. Skotið var laust og í virkilega þægilegri hæð fyrir markmann Grikklands.

Viktor Bjarki Daðason – 6
Viktor hélt vel í boltann og var mikilvægur hlekkur í uppspili Íslands líkt og Daníel. Hann náði hins vegar ekki að skapa mikla hættu á síðasta þriðjungi.

Varamenn:

Benoný Breki Andrésson - 6

Hilmir Rafn Mikaelsson - 8

Amin Cosic - 6