Myndir: Snjópása í fyrri hálfleik á snæviþöktum Þróttaravelli

Starfsmenn KSÍ mokuðu snjó af vellinum fyrir leik en það hefur aukið verulega í snjókomuna og gera aðstæður leikmönnum vægast sagt erfitt fyrir.

Seinni leikur liðanna fer fram í Aþenu á mánudaginn en þess má geta að hitastigið núna í Aþenu er 24 gráður og heiðskírt.

Ísland fékk besta færi leiksins er Galdur Guðmundsson prjónaði sig í gegnum vörn Grikkja og hamraði boltann í þverslána. Leikurinn er að sjálfsögðu í beinni textalýsingu hér á Fótbolta.net og sýndur á Sýn Sport.

Haukur Gunnarsson ljósmyndari er á vellinum og tók myndir af aðstæðunum skrautlegu.