Maresca: Ég væri til í að vera með sítt hár

Borussia Dortmund er í viðræðum við Chelsea um möguleg kaup á Renato Veiga en þessi 21 árs leikmaður kom til Chelsea frá Basel í fyrra.

„Ég veit ekki til þess að það sé samkomulag í höfn varðandi Renato Hann var með okkur í gær og verður líka í dag. Hann er leikmaður okkar sem stendur, sjáum hvað gerist," sagði Enzo Maresca, stjóri Chelsea.

Veiga hefur aðeins spilað einn byrjunarliðsleik í úrvalsdeildinni en fjölhæfni hans hefur nýst Maresca vel. Veiga getur spilað allar stöður í vörninni og á miðjunni.

„Hann hefur spilað í mismunandi stöðum fyrir okkur og gert vel. Þetta gaf honum tækifæri til að spila fyrir landsliðið í fyrsta sinn á lífsleiðinni. Hann er að spila fyrir portúgalska landsliðið og það hlýtur að segja að hann sé á góðum stað."