Verður Elías næsti Íslendingur í ensku úrvalsdeildina?

Það er oft skemmtilegt umræðuefni að velta því fyrir sér hver verði næsti Íslendingur til að spila í ensku úrvalsdeildinni.

Elías Rafn Ólafsson landsliðsmarkvörður átti stórleik fyrir danska liðið Midtjylland í gær þegar það vann 1-0 útisigur gegn enska liðinu Nottingham Forest. Þetta var fyrri viðureign liðanna í 16-liða úrslitum Evrópudeildarinnar.

„Elías Ólafsson þarf ekki að spila marga leiki í viðbót eins og þennan áður en hann kemst virkilega á radarinn hjá félögum í ensku úrvalsdeildinni," skrifaði blaðamaðurinn Oliver Okström á X.

Þetta er í annað sinn á tímabilinu sem liðin mættust en Midtjylland vann 3-2 á City Ground í deildarkeppninni í október.