Jose Mourinho, þjálfari AS Roma, gat andað léttar í gærkvöldi en þá náði liðið hans að vinna torsóttan sigur gegn Empoli.
Sigurinn var gífurlega mikilvægur fyrir Rómverja en liðið er nú einu stigi á eftir efstu liðunum. Fyrir leikinn í gær hafði Roma tapað tveimur leikjum í röð, gegn Udinese í Serie A og gegn Ludogorets í Evrópudeildinni.
Mikið gekk á í Empoli í gær en glæsileg tilþrif frá Paulo Dybala, bæði í markinu hans og stoðsendinguni, sáu til þess að Roma tókst að halda í stigin þrjú.
„Í kvöld (í gær) neituðum við að tapa aftur. Við vildum alls ekki tapa þremur leikjum í röð og við sýndum mikinn vilja,” sagði Mourinho eftir leikinn.
„Að skora í markið þeirra var eitthvað líkt kraftaverki. Hann leit út eins og besti markvörður heims,” sagði Mourinho um Guglielmo Vicario, markvörð Empoli en sá átti nokkrar frábærar vörslur.
„Ég segi til hamingju Zanetti (þjálfari Empoli). Hann hefur lið sem er erfitt að spila gegn. Þessa stundina erum við að ströggla. Við erum í meiðslum. Ég sagði við Zaniolo á bekknum í dag: Takk fyrir að vera hérna. Hann var klár í að fórna sér og koma inn á ef þess þurfti.”
Roma mætir HJK Helsinki á heimavelli á fimmtudaginn kemur í Evrópudeildinni og svo fær liðið Atalanta í heimsókn í toppbaráttuslag í Serie A deildinni á sunnudaginn.
„En, ég get loksins sagt að við spilum á heimavelli á fimmtudaginn,” sagði Jose að lokum en þetta var þriðji leikurinn á útivelli hjá liðinu í gær.
Sjá einnig:
Tvö glæsileg mörk í sigri Roma
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 37 | 27 | 5 | 5 | 86 | 32 | +54 | 86 |
| 2 | Napoli | 37 | 22 | 7 | 8 | 57 | 36 | +21 | 73 |
| 3 | Roma | 37 | 22 | 4 | 11 | 57 | 31 | +26 | 70 |
| 4 | Milan | 37 | 20 | 10 | 7 | 52 | 33 | +19 | 70 |
| 5 | Como | 37 | 19 | 11 | 7 | 61 | 28 | +33 | 68 |
| 6 | Juventus | 37 | 19 | 11 | 7 | 59 | 32 | +27 | 68 |
| 7 | Atalanta | 37 | 15 | 13 | 9 | 50 | 35 | +15 | 58 |
| 8 | Bologna | 37 | 16 | 7 | 14 | 46 | 43 | +3 | 55 |
| 9 | Lazio | 37 | 13 | 12 | 12 | 39 | 39 | 0 | 51 |
| 10 | Udinese | 37 | 14 | 8 | 15 | 45 | 47 | -2 | 50 |
| 11 | Sassuolo | 37 | 14 | 7 | 16 | 46 | 49 | -3 | 49 |
| 12 | Torino | 37 | 12 | 8 | 17 | 42 | 61 | -19 | 44 |
| 13 | Parma | 37 | 10 | 12 | 15 | 27 | 46 | -19 | 42 |
| 14 | Genoa | 37 | 10 | 11 | 16 | 41 | 50 | -9 | 41 |
| 15 | Fiorentina | 37 | 9 | 14 | 14 | 40 | 49 | -9 | 41 |
| 16 | Cagliari | 37 | 10 | 10 | 17 | 38 | 52 | -14 | 40 |
| 17 | Lecce | 37 | 9 | 8 | 20 | 27 | 50 | -23 | 35 |
| 18 | Cremonese | 37 | 8 | 10 | 19 | 31 | 53 | -22 | 34 |
| 19 | Verona | 37 | 3 | 12 | 22 | 25 | 59 | -34 | 21 |
| 20 | Pisa | 37 | 2 | 12 | 23 | 25 | 69 | -44 | 18 |
