Vill hefja nýjan kafla í úrvalsdeildinni

Ausilio byggði upp frábært lið hjá Inter með litlum pening og krækti í marga leikmenn á frjálsri sölu eða mjög lágu verði sem voru síðar seldir með miklum hagnaði.

Ítalskir fjölmiðlar sögðu AC Milan hafa áhuga á að ráða Ausilio í starf íþróttastjóra og spurðu hann út í málið.

„Ég er ekki spenntur fyrir að halda áfram í ítalska boltanum, ég vil helst hefja nýjan kafla í ensku úrvalsdeildinni. Ég er mjög áhugasamur um að starfa erlendis eftir svo mörg ár hjá Inter," segir Ausilio, sem er 54 ára gamall.

Johan Lange starfar sem íþróttastjóri Tottenham og er líklegt að Ausilio muni starfa samhliða honum til að byrja með.