Arsenal býður fimm ára samning - Liverpool reyndi skiptidíl - Bernardo Silva til Benfica - Olise á blaði Liverpool
Jóhannes Karl: Aldrei spurning í seinni hálfleik hvernig þessi leikur fari
Óskar Smári: Í dag fannst mér við gefa ódýr mörk
Jói talar um leiksýningu hjá dómurunum - „Greinilega mjög hræddir við það umtal"
Óli Kristjáns: Get ekki tekið undir það að dómgæslan hafi verið slök
Ómar Björn: Greinilega alltaf gíraðir gegn Blikunum
Lárus Orri: Sagði við mig eftir leik að þetta væri auðveld staða
Dóri Árna: Meiri trú og ástríða í augum Skagamanna
„Þú veist að það er bara einn Siggi Hall"
Guðlaugur Victor fer yfir sigurmark Frakka: Ég er nógu hraður til að díla við Mbappe
Daníel Tristan í skýjunum: Það skemmtilegasta sem ég hef gert í lífinu
Skoraði markið umtalaða - „Dómaranum fannst það sem ég skil ekki”
Ísak stoltur og talar um rán - „Ég er bara að drepast”
Vissi að þetta væri rautt: „Sagði strax við strákana að ég ætla að liggja aðeins“
Franskur blaðamaður: Yrði mikið sjokk að vinna ekki Ísland
Kristian: Ekki rétt það sem kom fram um mig
„Ef við byrjum leikina eins og seinni hálfleik getum við gert drullu góða hluti"
Ólafur Ingi stoltur af frammistöðunni - „Fyrir mér glórulaus dómur"
Mikael Egill: Er það ekki bara Frakkinn?
Stefán Teitur: Nei, það er geðveikt
Sverrir Ingi: Bónusleikur fyrir okkur
   sun 16. júní 2024 12:22
Sæbjörn Þór Þórbergsson Steinke
Er Valur Arsenal? - „Með svo marga einstaklinga sem geta meitt mann"
'Þú vinnur ekki endilega deildina á því að vinna innbyrðisviðureignirnar milli stórliðanna'
'Þú vinnur ekki endilega deildina á því að vinna innbyrðisviðureignirnar milli stórliðanna'
Mynd: Fótbolti.net - Hafliði Breiðfjörð
Ekroth gæti hafa nefbrotnað gegn Fylki.
Ekroth gæti hafa nefbrotnað gegn Fylki.
Mynd: Fótbolti.net - Hafliði Breiðfjörð
Verður Ingvar klár?
Verður Ingvar klár?
Mynd: Fótbolti.net - Hafliði Breiðfjörð
'Það er gagnkvæm virðing í gangi á milli okkar'
'Það er gagnkvæm virðing í gangi á milli okkar'
Mynd: Fótbolti.net - Hafliði Breiðfjörð
Guðmundur Aðalsteinn Ásgeirsson ræddi við Arnar Gunnlaugsson, þjálfara Víkings, eftir blaðamannafund Vals á föstudag. Framundan er stórleikur Vals og Víkings í Bestu deildinni. Leikurinn fer fram á þriðjudagskvöld.

„Kannski er þetta stærsta leikurinn til þessa, það voru náttúrulega stórir leikir á móti Blikunum, tókum fjögur stig þar. Valsmenn er að koma inn í leikinn á virkilega góðu skriði, búnir að ná vopnum sínum aftur til baka, verið sterkir í deildinni og komnir í undanúrslit í bikar. Bæði lið eru að koma inn í þennan leik í toppformi. Ef við vinnum þá munar sjö stigum á liðunum sem er mjög sterkt, jafntefli væri engin hörmung fyrir liðin, en við munum gera allt sem við getum til að vinna þennan leik," sagði Arnar Gunnlaugsson.

Þrjú lið virðast skera sig úr á toppnum; Valur, Breiðablik og Víkingur.

„Það getur vel verið að það breytist þegar líður á sumarið, en þetta virðast sterkustu liðin í dag. Þú vinnur ekki endilega deildina á því að vinna innbyrðis viðureignirnar milli stórliðanna, það er frekar að klára minni spámennina vel. Upp á egóið, sjálfstraustið og montréttinn þá er auðvitað mikilvægt að vinna þessa stórleiki."

Getur horfið eins og dögg fyrir sólu
Oliver Ekroth fór af velli gegn Fylki á fimmtudagskvöldið og Ingvar Jónsson hefur ekki spilað í síðustu leikjum.

„Ég á von á því að Ingvar verði klár og þrátt fyrir mögulegt nefbrot þá á ég von á því að Ekroth verði klár. Við erum búnir að vera ótrúlega heppnir með meiðsli í sumar, búnir að rúlla mjög vel á hópnum svo menn hafa aldrei lent í einhverjum vöðvameiðslum. Einhverju hluta vegna hefur þetta gengið upp."

„Við erum á toppnum, komnir í undanúrslit í bikar og tölfræðin okkar er mjög góð. Þetta lítur mjög vel út, en að sama skapi, í íþrótt eins og fótbolta, þá getur þetta horfið eins og dögg fyrir sólu ef menn eru ekki með kveikt á sér á þriðjudaginn."


Er Valur eins og Arsenal?
Ef Víkingur er Manchester City og Breiðablik er Liverpool, hvað er þá Valur?

„Góð spurning, ætli Valur sé ekki blanda af báðu? Ef þú hugsar um leikstíl Víkings, það er ákveðið DNA og þegar þú hugsar um Blika þá hugsar þú strax um ákveðið DNA og ákveðnar færslur. Valur kann flesta hluti mjög vel; geta varist í lágri blokk, geta pressað, geta haldið boltanum mjög vel og Valsmönnum líður vel án bolta. Það sem þeir hafa kannski fram yfir flest lið á Íslandi er að þeir eru með svo marga einstaklinga sem geta meitt mann. Arsenal?"

Öðruvísi dýnamík
Síðustu ár hefur aðalrígurinn í íslenska boltanum verið milli Víkings og Breiðabliks; milli þjálfaranna Arnars Gunnlaugssonar og Óskars Hrafns Þorvaldssonar. Er þessi rígur að breytast yfir í Arnar Gunnlaugs á móti Arnari Grétars, þjálfara Vals?

„Ekki kannski varðandi lætin utan vallar. Við viljum báðir vinna fyrir klúbbana okkar, Arnar hefur átt frábæran feril; sem leikmaður, yfirmaður fótboltamála og svo núna þjálfari. Ég er búinn að þekkja hann frá því að hann var lítill polli, við mættumst í yngri flokkunum í gamla daga. Það er gagnkvæm virðing í gangi á milli okkar, sem mun líka alltaf vera milli mín og Óskars, en það voru bara einhvern veginn skemmtileg læti fyrir utan leikina þegar við vorum við stjórnvölinn. Ég held að allir hafi haft gaman af, ég og Óskar meðtaldir."

„Það eru öðruvísi karakterar við stjórnvölinn hjá Val. Það er ekki þar með sagt að það sé óáhugaverðara, heldur bara öðruvísi dýnamík í gangi,"
sagði Arnar Gunnlaugsson.

Leikur Vals og Víkings fer fram á N1 vellinum á þriðjudagskvöldið. Leikurinn hefst klukkan 20:15.
Athugasemdir
banner