Sauð á Óla Skúla: Kýla menn kalda á fótboltavelli á ekki að sjást

„Bara vel pirraður. Það eiginlega sýður á mér ennþá í rauninni. Þetta var flottur fótboltaleikur þangað til að dómari leiksins ákveður að taka völdin í sínar hendur og rekur Anton Loga út af fyrir einhverja 50/50 tæklingu. Það er ekki verið að ræna hann upplögðu tækifæri. Við erum með hafsenta undir þannig að ég bara skil ekki hvernig það er hægt að taka þessa ákvörðun. Ég á bara mjög erfitt með að skilja það en þetta var bara góður fótboltaleikur. Mér fannst við bara vera mjög flottir, skorum fallegt mark og eins og ég segi bara skemmtilegur fótboltaleikur fram að rauða spjaldinu.´´

Þetta var rosalega mikill hita leikur og Ólafur Ingi fékk að líta rauða ásamt þremur öðrum rauðum spjöldum.

„Ja, bara fyrir munnsöfnuð. Ég náttúrulega bara biðst afsökunar á því. Ég á ekkert að láta þetta fara í taugarnar á mér en mér fannst þetta bara svo greinilegt að ég bara eiginlega gat ekki setið á mér og sagði honum bara til syndanna og honum fannst það nóg."

Sástu hvað gerist í bæði rauða spjaldinu hjá Daníel Hafsteins og Ásgeirs Helga?

„Mér skilst að Daníel hafi brotið á Gabríel og kýlt hann í kjölfarið þegar hann liggur, sem er náttúrulega bara grafalvarlegt ef svo er. Það er ekkert mál að menn takist á og það sé barátta og menn geta verið harðir í návígum og annað en að kýla menn kalda inn á fótboltavelli er náttúrulega ekki eitthvað sem að á að sjást."