„Ég var viss um að Ronaldo og Rashford yrðu klárir fyrir síðasta leik en svo var ekki. Pogba æfði í gær í fyrsta sinn með hópnum. Hann sýndi hversu ótrúlegur leikmaður hann getur verið," sagði Rangnick.

„Leikurinn gegn Brentford kemur of snemma en hann gæti verið klár eftir landsleikjahléið," bætti stjórinn við. Um Ronaldo og hvort hann passi inn í leikkerfi sitt hafði Rangnick þetta að segja:

„Enginn hefur afrekað það sem hann hefur gert; hann var ekki klár í síðustu leiki og æfði í gær. Hann getur ekki gert hlutina einn en hann getur gert það sem hluti af liðinu."

Á fundinum sagði Rangick einnig að hann sé búinn að ræða við Anthony Martial. Rangnick sagði á laugardag að Martial hefði ekki viljað vera í hópnum gegn Aston Villa en Martial þvertók fyrir það með færslu á samfélagsmiðlum. „Hann mun æfa með liðinu í dag og ég tek í kjölfarið ákvörðun hvort hann verði í hópnum á morgun."

Sjá einnig:
Martial tjáir sig - „Mun aldrei neita að spila leik fyrir Man Utd"