Ekki fjölgað í efstu deild karla á næsta ári
Samkvæmt heimildum Fótbolta.net eru allar líkur á því að ekki verði kosið um fjölgunartillögu Skagamanna á ársþingi KSÍ í Ólafsvík um komandi helgi.
ÍA kom með tillögu um að fjölga liðum í 14 í efstu deild karla frá og með næsta tímabili.
Í haust var settur á laggirnar starfshópur um að fjölga leikjum í efstu deild en hann skilaði frá sér skýrslu á dögunum. Niðurstaðan er sú að að umræðan innan hreyfingarinnar sé of skammt á veg komin til þess að hægt sé að ná fram niðurstöðu á þessum tímapunkti.
ÍA kom með tillögu um að fjölga liðum í 14 í efstu deild karla frá og með næsta tímabili.
Í haust var settur á laggirnar starfshópur um að fjölga leikjum í efstu deild en hann skilaði frá sér skýrslu á dögunum. Niðurstaðan er sú að að umræðan innan hreyfingarinnar sé of skammt á veg komin til þess að hægt sé að ná fram niðurstöðu á þessum tímapunkti.
Þegar tillaga ÍA var opinberuð komu fram athugasemdir þar sem ekki var búið að skoða ýmsa mikilvæga þætti sem fjölgun hefði í för með sér. Meðal annars hvað varðar fjárhagsmál, mannvirkjamál og dómaramál.
Starfshópurinn vill starfa áfram að skoða alla mögulega kosti og galla við ýmsar útfærslur á fjölgun leikja. Það er því nokkuð ljóst að fjölgun verður ekki á næsta ári. Tillögunni um fjölgun í deildinni verður að öllum líkindum vísað í starfshópinn og ku ÍA vera sammála þeirri niðurstöðu.
Athugasemdir