Búdapest er falleg, sérstaklega á þessum árstíma.
Hið tignarlega og glæsilega þinghús í Búdapest.
Szusza Ferenc Stadion.
Á fimmtudaginn er komið að leik Íslands og Ísraels í umspilinu fyrir EM í Þýskalandi. Um er að ræða mikilvægasta landsleik Íslands síðan 2020 þegar við mættum Ungverjalandi í úrslitaleik umspilsins fyrir EM alls staðar.
Dominik Szoboszlai gerði þá út um EM drauma okkar. En rifjum það ekki frekar upp.
Leikurinn á fimmtudag fer einmitt fram í sömu borg og leikurinn 2019, Búdapest, en á öðrum velli, Szusza Ferenc Stadion heimavelli Újpest. Ástæðuna fyrir því að ekki er spilað í Ísrael þarf ekki að útskýra en KSÍ harðneitaði að spila í landinu.
Íslenski hópurinn kemur allur saman í dag en fréttamenn Fótbolta.net komu til Búdapest um helgina og verða viðstaddir æfingu seinni partinn. Það má búast við viðtölum við leikmenn á síðuna í kvöld.
Borgin skartar sínu fegursta enda farið að vora og var mikil stemning meðal borgarbúa og ferðamanna í gær á degi heilags Patreks.
Hér má sjá hvernig dagskráin er hjá strákunum okkar næstu daga:
Dominik Szoboszlai gerði þá út um EM drauma okkar. En rifjum það ekki frekar upp.
Leikurinn á fimmtudag fer einmitt fram í sömu borg og leikurinn 2019, Búdapest, en á öðrum velli, Szusza Ferenc Stadion heimavelli Újpest. Ástæðuna fyrir því að ekki er spilað í Ísrael þarf ekki að útskýra en KSÍ harðneitaði að spila í landinu.
Íslenski hópurinn kemur allur saman í dag en fréttamenn Fótbolta.net komu til Búdapest um helgina og verða viðstaddir æfingu seinni partinn. Það má búast við viðtölum við leikmenn á síðuna í kvöld.
Borgin skartar sínu fegursta enda farið að vora og var mikil stemning meðal borgarbúa og ferðamanna í gær á degi heilags Patreks.
Hér má sjá hvernig dagskráin er hjá strákunum okkar næstu daga:
Mánudagurinn 18. mars
Allur hópurinn verður kominn saman til æfinga í Búdapest þar sem leikurinn verður spilaður. Vegna stríðsins er spilað á hlutlausum velli en Ísrael hefði átt heimaleikjarétt.
Miðvikudagurinn 20. mars
Ísland æfir á keppnisvellinum, Szusza Ferenc Stadion sem er heimavöllur Újpest.
LEIKDAGUR - Fimmtudagurinn 21. mars
19:45 Ísrael - Ísland.
EF ÍSLAND TAPAR GEGN ÍSRAEL: EM draumurinn verður þá að engu og liðið mun leika vináttulandsleik gegn tapliðinu í viðureign Bosníu og Úkraínu.
EF ÍSLAND VINNUR ÍSRAEL: Tryggir liðið sér sæti í hreinum úrslitaleik gegn sigurliðinu í viðureign Bosníu og Úkraínu um sæti á EM í Þýskalandi. Þá verður áframhaldandi dagskrá svona:
Sunnudagurinn 24. mars
Ferðadagur. Ísland mun æfa áfram í Búdapest á föstudeginum og laugardeginum en ferðast svo yfir á keppnisstað á sunnudeginum. Ef leikið verður gegn Úkraínu verður spilað í Wroclaw í Póllandi (vegna stríðsins í Úkraínu) en gegn Bosníu í Sarajevo.
Mánudagurinn 25. mars
Ísland æfir á keppnisvellinum.
LEIKDAGUR - Þriðjudagurinn 26. mars
19:45 Hreinn úrslitaleikur um sæti á EM.
Athugasemdir
