Byrjunarlið Man City og West Ham: Jesus og Aguero byrja báðir

Þessi leikur átti upphaflega að fara fram fyrr í þessum mánuði en var frestað vegna ofsaveðurs á Bretlandseyjum.

City lék síðast fótboltaleik 2. febrúar og tapaði þá 2-0 gegn Tottenham. Frá þeim leik koma Aymeric Laporte og Benjamin Mendy í vörnina, David Silva á miðjuna og Bernardo Silva og Gabriel Jesus í fremstu víglínu. Jesus og Aguero byrja báðir, en það er ekki oft sem það gerist að sóknarmennirnir tveir séu saman í byrjunarliðinu.

Raheem Sterling er ekki í leikmannahópi Man City út af meiðslum.

West Ham gerði 3-3 jafntefli gegn Brighton þann 1. febrúar síðastliðinn. Frá þeim leik gerir Moyes eina breytingu. Sebastian Haller fer á bekkinn og kemur bakvörðurinn Arthur Masuaku inn í hans stað.

Jarrod Bowen, sem var keyptur frá Hull á gluggadegi, byrjar á bekknum hjá West Ham og er Felipe Anderson, sem hefur verið að glíma við meiðsli, einnig á bekknum.

City er í öðru sæti ensku úrvalsdeildarinnar en West Ham er í fallsæti. Moyes hefur kallað eftir því að stuðningsmenn West Ham standi með liðinu í þeirri erfiðu baráttu sem framundan er.

Byrjunarlið Man City: Ederson, Walker, Otamendi, Laporte, Mendy, Rodrigo, David Silva, De Bruyne, Bernardo Silva, Jesus, Aguero.
(Varamenn: Bravo, Stones, Gundogan, Fernandinho, Mahrez, Cancelo, Foden)

Byrjunarlið West Ham: Fabianski, Fredericks, Diop, Ogbonna, Cresswell, Masuaku, Snodgrass, Noble, Rice, Soucek, Antonio.
(Varamenn: Randolph, Balbuena, Zabaleta, Anderson, Lanzini, Bowen, Haller)

Sjá einnig:
Man City svarar UEFA: Ásakanirnar eru rangar