Valgeir Valgeirsson.
Breiðablik hefur staðfest að Valgeir Valgeirsson sé genginn í raðir félagsins. Hann lék síðast með Örebro í Svíþjóð en er uppalinn hjá HK, nágrönnum Blika.
Fótbolti.net sagði frá því fyrst í gær að Valgeir væri að ganga í raðir Breiðabliks. Á endanum stóð valið á milli Blika og Víkings. Samningur Valgeirs við Blika gildir til 2028.
Fótbolti.net sagði frá því fyrst í gær að Valgeir væri að ganga í raðir Breiðabliks. Á endanum stóð valið á milli Blika og Víkings. Samningur Valgeirs við Blika gildir til 2028.
Hann er uppalinn í HK og hélt til Svíþjóðar um sumarið 2022 og var því í tvö og hálft tímabil úti. Örebro var allan þann tíma í næstefstu deild Svíþjóðar.
Valgeir, sem er 22 ára, lék á kantinum hjá HK en hefur að mestu spilað sem bakvörður úti í Svíþjóð og með U21 landsliðinu.
Valgeir var árið 2022, áður en hann hélt í atvinnumennsku, sterklega orðaður við Breiðablik. Hann á að baki 35 leiki fyrir yngri landsliðin, þar af ellefu fyrir U21 landsliðið sem hann gekk upp úr í síðasta mánuði.
Íslandsmeistararnir eru mjög virkir á markaðnum þessa dagana því félagið tilkynnti um endurkomu Ágústs Orra Þorsteinssonar til félagsins í gær og félagið er einnig að kaupa Óla Val Ómarsson.
Athugasemdir
