Jói bjartsýnn á að geta spilað - „Það róaði taugarnar ansi mikið"
Það er mikið sjálfstraust í liðinu, við höfum mikla trú á því að við getum unnið Úkraínu og farið á stórmót
Mynd: Fótbolti.net - Hafliði Breiðfjörð
Auðvitað alltaf erfitt að vera í stúkunni, miklu auðveldara að vera niðri á velli og taka þátt í þessu
Mynd: Fótbolti.net - Elvar Geir Magnússon
Við erum ein leik frá því að komast á stórmót sem er auðvitað frábær staða að vera í
Mynd: Fótbolti.net - Hafliði Breiðfjörð
Það er mikið sjálfstraust í liðinu, við höfum mikla trú á því að við getum unnið Úkraínu og farið á stórmót
Mynd: Fótbolti.net - Hafliði Breiðfjörð
Sagði Jóhann Berg Guðmundsson við Fótbolta.net á hóteli landsliðsins í Búdapest í dag. Jói gat ekki spilað vegna meiðsla þegar Ísland lagði Ísrael að velli á fimmtudagskvöld. Með því tryggði liðið sér sæti í úrslitaleik um sæti á EM. Sá leikur fer fram í Wroclaw í Póllandi og mætir íslenska liðið Úkraínu.
Möguleiki á því að Jóhann Berg spili úrslitaleikinn
Vonandi enn fleiri bláir á þriðjudaginn
„Það heyrðist mjög vel í Íslendingunum í stúkunni, alltaf gaman að sjá Íslendinga. Þetta var svona æfingaleikjafílingur yfir þessu öllu saman, ekki margir áhorfendur en alltaf gaman að sjá blátt í stúkunni. Vonandi verða enn fleiri bláir í stúkunni á þriðjudaginn. Við vitum að Icelandair ætlar að fljúga með fólk frá Íslandi, það væri frábært að fá sem mestan stuðning. Við þurfum á því að halda, erum ein leik frá því að komast á stórmót sem er auðvitað frábær staða að vera í."
„Það gefur öllum liðum sem fá stuðning, sérstaklega á útivelli, mikla orku að vita að það er fólk sem mætir og borgar peninga til að koma og styðja okkur. Það gefur okkur mikið inn í hópinn og vonandi koma sem flestir leikinn á þriðjudaginn."
Bjartsýnn alveg fram að síðasta degi
Jói segir að staðan á sér sé betri en á fimmudag. „Við tökum dag fyrir dag, tók þátt í upphitun í dag, svo bætum við ofan á það á morgun og enn meira á mánudaginn. Það er erfitt að segja núna, en ég er nokkuð bjartsýnn og mun halda áfram að vera bjartsýnn alveg fram að síðasta degi."
Við erum íka með mjög góða leikmenn
Hvernig leggst Úkraína sem andstæðingur í fyrirliðann?
„Bara vel, þeir eru auðvitað með frábæra leikmenn og ég held að allir viti það. En við erum líka með mjög góða leikmenn og þetta er 90 mínútna fótboltaleikur - auðvitað gæti hann farið í framlengingu, en vonandi getum við bara klárað þetta á 90 mínútum. Það er mikið sjálfstraust í liðinu, við höfum mikla trú á því að við getum unnið Úkraínu og farið á stórmót. Það er eitthvað sem við ætlum okkur að gera," sagði Jói.
Í viðtalinu ræðir hann um Albert Guðmundsson og þrennuna hans. Hann ræðir einnig um Burnley og stöðu sína þar.
Auðvitað alltaf erfitt að vera í stúkunni, miklu auðveldara að vera niðri á velli og taka þátt í þessu
Mynd: Fótbolti.net - Elvar Geir Magnússon
Við erum ein leik frá því að komast á stórmót sem er auðvitað frábær staða að vera í
Mynd: Fótbolti.net - Hafliði Breiðfjörð
