Spánn: Real Madrid gerði jafntefli á heimavelli

Heimamenn voru við stjórn í fyrri hálfleik og fengu mikið af færum en náðu ekki að skora. Seinni hálfleikurinn var jafnari en Karim Benzema skoraði á 82. mínútu með mögnuðu skoti í miðjum snúningi.

Real reyndi að sækja annað markið til að gera út um leikinn en gestirnir komust þá í gegn og jafnaði Sergi Guardiola leikinn á 88. mínútu.

Meira var ekki skorað og lokatölur því 1-1 á Bernabeu. Bæði lið eru með fjögur stig eftir tvær umferðir.

Real Madrid 1 - 1 Real Valladolid
1-0 Karim Benzema ('82)
1-1 Sergi Guardiola ('88)

Osasuna og Eibar mættust fyrr í dag og gerðu markalaust jafntefli í bragðdaufum leik.

Í heildina fóru tvö skot af átján á rammann hjá báðum liðum.

Osasuna er með fjögur stig eftir sigur gegn Leganes í fyrstu umferð en Eibar er með eitt stig eftir tap gegn Mallorca.