Hassan Jalloh.
Shearer er markahæsti leikmaður í sögu ensku úrvalsdeildarinnar.
Hassan Jalloh er leikmaður sem fótboltaaðdáendur á Íslandi kannast vel við.
Jalloh er kantmaður sem kom hingað til lands og spilaði með HK frá 2022 til 2023. Hann fór svo í Grindavík og spilaði meira að segja nokkra leiki með Dalvík/Reyni.
Jalloh er kantmaður sem kom hingað til lands og spilaði með HK frá 2022 til 2023. Hann fór svo í Grindavík og spilaði meira að segja nokkra leiki með Dalvík/Reyni.
Hans síðustu leikir á Íslandi voru sumarið 2024 en núna er hann að gera athyglisverða hluti á Englandi.
Jalloh er nefnilega orðinn hluti af Baller League í Bretlandi.
Baller League er ný tegund fótboltadeildar sem hefur orðið vinsæl í Bretlandi, Þýskalandi og Spáni. Í þessum deildum er spilað sex á móti sex innanhúss í hraðskreiðu og stuttu leikformi. Liðin sem keppa í þessari deild í Bretlandi er stýrt af þekktum einstaklingum eins og fyrrum leikmönnum, áhrifavöldum og öðru frægu fólki. Leikirnir eru sýndir í sjónvarpi og á netinu.
Í Baller League eru liðin skipuð blöndu af fyrrum atvinnumönnum, leikmönnum úr neðri deildum og ungum leikmönnum sem vilja koma sér á framfæri. Þetta gæti verið góður stökkpallur fyrir leikmenn sem vilja vekja á sér athygli.
Jalloh, sem hefur spilað í Ástralíu og Englandi eftir að hann fór frá Íslandi, er í liði sem er stýrt af Alan Shearer og Ian Wright, tveimur mestu markaskorurum í sögu enska boltans. Jalloh hefur spilað einn leik með liðinu sem ber heitið Wembley Rangers AFC.
Hægt er að fara á síðu liðsins með því að smella hérna.
Á meðal annarra stjóra í þessari deild eru Micah Richards, Idris Elba og Mark Goldbridge.
Athugasemdir
