Manchester City fundið sekt í nánast öllum ákæruliðum

Óháð nefnd hefur fundið Manchester City sekt í nánast öllum ákæruliðum en stórt mál var höfðað gegn félaginu og meintum brotum þeirra á fjárhagsreglum ensku úrvalsdeildarinnar.

Það er David Ornstein hjá The Athletic sem greinir frá og segir að ekki sé búið að ákveða hver refsingin verður og málið er enn í ferli.

Í grein Ornstein segir að City hafi verið fundið sekt í 114 af 115 ákæruliðum. Búist er við því að City áfrýji niðurstöðunni en félagið vill ekki tjá sig við fjölmiðla að svo stöddu.

Málið hefur verið lengi í ferli og sagði Manchester City í febrúar 2023 að félagið væri hissa á ákærunum.

City var ákært fyrir fjölda brota eftir ásakanir um meint brot voru rannsakaðar. Brotin áttu sér stað á árunum 2009-2018 og tók óháð nefnd málið til enn frekari rannsónar. City var ásakað um að hafa ekki gefið upp réttar fjárhagsupplýsingar. Der Spiegel birti upplýsingar sem höfðu lekið frá City í nóvember 2018 og þá fór málið fyrir alvöru á flug. City hefur alltaf neitað sök í máli.

City hefur unnið átta Englandsmeistaratitla, orðið fjórum sinnum enskur bikarmeistari, sjö sinnum deildabikarmeistari og einu sinni Evrópumeistari í eigendatíð Sheikh Mansour sem keypti félagið árið 2008.