Elías Rafn á æfingu í Toronto.
Elías hefur spilað frábærlega með Midtjylland og það er bikarúrslitaleikur framundan.
Í landsleik.
„Undirbúningurinn hefur gengið vel. Það er alltaf gaman að koma saman og vera með þessum strákum. Þetta er bara frábært," segir landsliðsmarkvörðurinn Elías Rafn Ólafsson.
Íslenska landsliðið er í Toronto að búa sig undir vináttulandsleiki gegn Kanada og Haítí. Leikurinn gegn Kanada verður 17 á morgun að íslenskum tíma en mótherjar okkar eru að búa sig undir HM.
„Þetta er bara mjög spennandi, ég heyrði að það væri búið að selja 30 þúsund miða á leikinn. Það er bara gaman, þetta er góður gluggi fyrir okkur að fínpússa hluti og æfa okkur í því sem við viljum bæta. Þetta verður alvöru leikur, Kanada er með flotta og góða leikmenn. Þetta verður hörkuleikur," segir Elías.
Ísland var hársbreidd frá því að komast í umspilið um HM sæti og auðvitað hefðum við frekar viljað sjá okkar menn í því verkefni í þessum glugga.
„Þetta er smá sárt í dag þegar þessir leikir eru að byrja. Við höfum annað að undirbúa okkur fyrir og komum bara sterkir inn í næstu keppni."
Íslenska landsliðið er í Toronto að búa sig undir vináttulandsleiki gegn Kanada og Haítí. Leikurinn gegn Kanada verður 17 á morgun að íslenskum tíma en mótherjar okkar eru að búa sig undir HM.
„Þetta er bara mjög spennandi, ég heyrði að það væri búið að selja 30 þúsund miða á leikinn. Það er bara gaman, þetta er góður gluggi fyrir okkur að fínpússa hluti og æfa okkur í því sem við viljum bæta. Þetta verður alvöru leikur, Kanada er með flotta og góða leikmenn. Þetta verður hörkuleikur," segir Elías.
Ísland var hársbreidd frá því að komast í umspilið um HM sæti og auðvitað hefðum við frekar viljað sjá okkar menn í því verkefni í þessum glugga.
„Þetta er smá sárt í dag þegar þessir leikir eru að byrja. Við höfum annað að undirbúa okkur fyrir og komum bara sterkir inn í næstu keppni."
Svekkelsi og stolt
Elías leikur fyrir danska liðið Midtjylland og er nýkominn úr Evrópueinvígi gegn enska úrvalsdeildarliðinu Nottingham Forest. Þar vann Forest eftir vítakeppni.
„Það er auðvitað alltaf svekkjandi að tapa leik, sérstaklega á þennan hátt. Á sama tíma er maður bara stoltur af því sem við gerðum. Við gerðum vel að vinna úti gegn Forest og ótrúlega svekkjandi að enda svona en þetta er fótboltinn," segir Elías.
Hann átti frábæra frammistöðu í Evrópudeildinni og fékk sérstaklega mikið lof í fyrri leiknum gegn Forest í útsláttarkeppninni. Hvernig metur hann eigin frammistöðu?
„Þetta var góð frammistaða en þetta er ekkert bara á mér. Þetta var algjör liðsframmistaða, við 'söfferuðum' í margar mínútur í lokin og gerðum það vel saman. Fótboltinn er liðsíþrótt."
Eftir að hafa spilað svona vel hafa verið vangaveltur um hvort Elías sé kominn undir smásjá enskra úrvalsdeildarliða. Hann segir að einbeiting sín sé á að vinna titla með Midtjylland þó auðvitað yrði það draumur að komast til Englands.
„Það er draumur allra fótboltamanna að spila í Premier league. Ég er ekkert að pæla í þessu núna, ég ætla að klára tímabilið með stæl og ná í tvo bikara með Midtjylland og svo sjáum við til."
Bikarúrslitaleikur framundan
Það eru spennandi vikur og mánuðir framundan hjá Midtjylland. Liðið er í baráttu um meistaratitilinn og þá mun það leika til úrslita gegn FCK í bikarkeppninni í maí.
„Það er spennandi að vera komnir í úrslitin í bikarnum og verður fyrsti úrslitaleikurinn minn allavega. Í deildinni eru fimm stig upp í AGF en þetta er enn í okkar höndum, ef við vinnum alla leiki og þá tvisvar þá verðum við meistarar," segir Elías.
