Man Utd hefur gert tilboð í Mbeumo - Ronaldo með tilboð frá brasilísku félagi - Villa hefur áhuga á Ferran Torres
Stokke: Mikill léttir að skora fyrsta markið fyrir félagið
Halldór Snær: Illa lélegt hjá okkur öllum
Maggi: Enginn svikinn að mæta hérna í kvöld
Óskar Hrafn: Þetta var tapleikur, það var enginn að kýla mig
Venni í áfalli eftir leikinn: Þetta var ótrúlegur leikur í raun og veru
Haraldur Árni: Mér líður frábærlega í Grindavík
Siggi Höskulds: Vorum bakaðir í fyrri hálfleik
Haraldur Freyr: Það fór aðeins um mig
Haddi: Engin kergja þótt fjölmiðlar reyni að ljúga upp á okkur
„Skelfilegt en lofum því að þetta gerist ekki aftur"
Láki: Veit ekki hvaða lið myndi leysa það að missa svona fallbyssur út af
Vuk: Náttúrulega galið að við séum ekki að spila á mánudegi
Davíð Smári: Það vantaði kraft í okkur
Rúnar Kristins: Við hittum á réttu taktíkina
Sjáðu draugamark ÍA í Njarðvík
Jökull: Held að svarið verði annað þegar þú spyrð mig næst
Túfa: Helvíti gaman að sjá þessa frétt
Ólafur Kristjáns: Leikmenn verið lengur saman og búnar að kynnast mér
Guðni Eiríks: Öll mörkin voru eiginlega einhver trúðamörk
Alli Jói: Þessi kóngur frábær
   mán 28. apríl 2025 22:54
Haraldur Örn Haraldsson
Bjarni Mark: Ég er bara svona kartafla
Mynd: Fótbolti.net - Hafliði Breiðfjörð

Bjarni Mark Antonsson Duffield leikmaður Vals var nokkuð ánægður með leik sinna manna í kvöld eftir 1-1 jafntefli gegn Víking.


Lestu um leikinn: Valur 1 -  1 Víkingur R.

„Þetta var bara flottur leikur held ég, tvö góð lið sem að báru kannski virðingu fyrir hvort öðru. Samt fannst mér við vera ofan á og við þurfum bara að komast á þann stað að við getum klárað svona leiki. Af því mér finnst við eiga skilið að vinna í dag. Auðvitað eru þeir líka frábært lið og hefðu alveg getað unnið. Þannig kannski er jafntefli bara sanngjarnt en ég er bara stoltur af mínu liði í dag."

Víkingar áttu ekki sinn besta leik og því mögulega hægt að líta á þetta jafntefli sem glatað tækifæri fyrir Val.

„Já, þetta er líka bara okkar heimavöllur og þá eigum við bara að vinna, það er krafan sem við gerum á okkur. Þegar spilamennskan er svona þá er kannski aðeins léttara að kyngja jafnteflinu. Auðvitað viljum vinna, og það er alltaf markmiðið, en ef við hefðum verið lélegir og það hefði endað í jafntefli, þá hefði ég verið pirraður. Þegar spilamennskan er eins góð og hún var, þá er þetta bara 1-1, áfram gakk og bara næsti leikur."

Bjarni hefur spilað í hinum ýmsu stöðum á ferlinum en hefur aðallega spilað sem hafsent hjá Val. Hann fór skemmtilega yfir það í viðtalinu hversu fjölhæfur hann getur verið.

„Ég er varnarmaður, ég veit ekki hvað menn eru búnir að vera að horfa á en ég er bara búinn að spila vörn síðan í Janúar. Ég er auðvitað bara svona kartafla, manni er svolítið hent í hinar mismunandi stöður og það er alltaf gott að vera sá gæi. Öll lið þurfa að vera með einn James Milner, ég tek því hlutverki bara stoltur og glaður og hjálpa liðinu bara eins og ég get. Mér líður í augnablikinu best í miðverði en eins og ég sagði, ég er alltaf klár í allar stöður."

Bjarni varði boltann af línunni með bakfallspyrnu í uppbótartíma. Þetta var frábær björgun hjá honum og hann var ánægður með þetta.

„Ég var að teygja mig smá í boltann og hitti hann svona utarlega á löppinni. Ég var smá hræddur um að ég væri að negla honum upp í þaknetið, það hefði náttúrulega verið hræðilegt, þannig það stoppaði smá í mér hjartað. Geggjað að hafa náð þessu í burtu, það þetta sem það snýst um að vera varnarmaður, það þarf að fagna þessum mómentum, þetta er bara eins og að skora mark."

Viðtalið má sjá í heild sinni í spilaranum hér fyrir ofan.


Athugasemdir
banner
banner