Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 29. mars 2020 14:38
Guðmundur Aðalsteinn Ásgeirsson
Víðir fúll - Fjórar tilkynningar um æfingar íþróttafélaga
Víðir Reynisson.
Víðir Reynisson.
Mynd: Fótbolti.net - Hafliði Breiðfjörð
Víðir Reynisson hjá almannavarnardeild ríkislögreglustjóra er ekki sáttur vegna tilkynninga sem hafa borist um brot á samkomubanni hjá íþróttafélögum.

UMFÍ birti frétt í síðustu viku þar sem greint er frá því að íslenskt íþróttafólk hefur verið að æfa saman í laumi þrátt fyrir strangt samkomubann yfirvalda vegna kórónuveirunnar.

Það er rúmlega vika liðin síðan ÍSÍ og UMFÍ sendu út sameiginlega tilkynningu um að öllum æfingum yrði hætt til að sporna við útbreiðslu kórónuveirunnar.

Víðir sagði á upplýsingafundi í dag að tilkynningar hefðu borist um skipulagðar æfingar hjá íþróttafélögum.

„Ég er fúll," sagði Víðir. „Við fengum helling af tilkynningum síðastliðna nótt og í dag, bæði þar sem verið var að benda á ákveðna staði þar sem eitthvað hafði verið að gerast. Svo erum við alla vega með fjórar tilkynningar varðandi starfsemi íþróttafélaga þar sem voru æfingar í gangi."

„Við erum með upplýsingar um að það hafi verið 50 manna æfing hjá íþróttafélagi. Það er alveg ótrúlegt."

Víðir segir að byrjað sé að sekta fyrir brot á samkomubanni.
Athugasemdir
banner
banner
banner
banner