Arna Eiríksdóttir skoraði tvö fyrir FH sem fer vel af stað.
Fanndís átti stórleik.
Birta lék mjög vel í stórsigri á Fram.
Þriðja umferðin í Bestu deild kvenna kláraðist í gær. Þróttarar hafa byrjað mótið frábærlega en þær unnu sterkan sigur gegn Víkingum í hörkuleik. Caroline Murray og Mollee Swift voru bestar í liði Þróttar og komast í sterkasta lið umferðarinnar í boði Steypustöðvarinnar.
Ólafur Kristjánsson er þá þjálfari umferðarinnar eftir að hafa stýrt Þrótti til sigurs í leiknum.
Ólafur Kristjánsson er þá þjálfari umferðarinnar eftir að hafa stýrt Þrótti til sigurs í leiknum.
Breiðablik fór þá illa með Fram á Kópavogsvelli, 7-1 var niðurstaðan þar. Birta Georgsdóttir var maður leiksins og léku Andrea Rut Bjarnadóttir og Helga Rut Einarsdóttir einnig frábærlega í liði Blika.
Báðir nýliðar, Fram og FHL, eru enn án stiga. FHL tapaði 3-1 gegn FH þar sem Arna Eiríksdóttir gerði tvö mörk. Rósey Björgvinsdóttir lék vel í vörn FHL í leiknum.
Valur var fyrsta liðið til að leggja Þór/KA að velli en Fanndís Friðriksdóttir fór á kostum í 3-0 sigri. Natasha Anasi lék vel í vörninni hjá Val í leiknum.
Það eru fjögur lið jöfn á toppnum með sjö stig en það eru Breiðablik, Valur, FH og Þróttur. Svo kemur Þór/KA með sex stig.
Þá vann Stjarnan sinn fyrsta sigur, 1-2 gegn Tindastóli. Úlfa Dís Kreye Úlfarsdóttir var maður leiksins en Stjarnan náði að halda henni í sínum röðum þrátt fyrir áhuga frá Val. Makala Woods lék mjög vel í liði Tindastóls.
Næsta umferð hefst strax á laugardaginn.
Sterkustu lið fyrri umferða:
1. umferð
2. umferð
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 6 | 5 | 1 | 0 | 28 - 5 | +23 | 16 |
| 2. Þróttur R. | 6 | 5 | 1 | 0 | 14 - 5 | +9 | 16 |
| 3. FH | 6 | 4 | 1 | 1 | 11 - 6 | +5 | 13 |
| 4. Þór/KA | 6 | 4 | 0 | 2 | 14 - 11 | +3 | 12 |
| 5. Stjarnan | 6 | 3 | 0 | 3 | 8 - 15 | -7 | 9 |
| 6. Valur | 6 | 2 | 1 | 3 | 6 - 8 | -2 | 7 |
| 7. Tindastóll | 6 | 2 | 0 | 4 | 8 - 11 | -3 | 6 |
| 8. Fram | 6 | 2 | 0 | 4 | 7 - 16 | -9 | 6 |
| 9. Víkingur R. | 6 | 1 | 0 | 5 | 9 - 17 | -8 | 3 |
| 10. FHL | 6 | 0 | 0 | 6 | 3 - 14 | -11 | 0 |
Athugasemdir
