Þurfum að vinna úrvalsdeildarlið til að fá stig í sumar
Jóhann Árni lék ekki með Fjölni í gær.
„Þetta var hörkuleikur. Þetta var alvöru prófraun fyrir okkur þar sem Valur er með öflugt lið. Strákarnir stóðu sig vel og leikurinn hefði alveg getað farið á hinn veginn," sagði Ásmundur Arnarsson, þjálfari Fjölnis, eftir 0-1 tap gegn Val í undanúrslitum Reykjavíkurmótsins í gærkvöldi.
Kaj Leo í Bartalsstovu skoraði eina mark leiksins á 54. mínútu með góðu skoti fyrir utan teig. Það var mikil orka í Fjölnis liðinu og sérstaklega síðasta kortérið var liðið líklegt til að jafna leikinn.
Viðtalið í heild sinni má sjá efst í spilaranum.
Kaj Leo í Bartalsstovu skoraði eina mark leiksins á 54. mínútu með góðu skoti fyrir utan teig. Það var mikil orka í Fjölnis liðinu og sérstaklega síðasta kortérið var liðið líklegt til að jafna leikinn.
Viðtalið í heild sinni má sjá efst í spilaranum.
„Mér fannst orka í liðinu allan tímann. Við sköpuðum möguleika framávið í gegnum leikinn, ég hefði viljað sjá okkur skora í þessum leik," sagði Ási.
Ási var spurður út í framherjamál hjá Fjölni. Albert Brynjar Ingason leiddi framlínu liðsins þegar liðið endaði í 2. sæti Inkasso-deildarinnar í fyrra en hann söðlaði um og leikur með Kórdrengjum í 2. deild í sumar.
Ingibergur Kort Sigurðsson spilaði stóran hluta leiksins sem fremsti maður og þá kom Jón Gísli Ström inn á í seinni hálfleik og leysti framherjastöðuna. Er það í plönum Fjölnis að styrkja liðið framávið?
„Við erum auðvitað að skoða styrkingarmál almennt, meðal annars framávið. Við erum einnig með Viktor (Andra Hafþórsson) sem getur leyst stöðu framherja."
„Almennt séð vantar okkur svolítið reynslu fyrir Pepsi-deildina og gæði. Við erum að skoða hvað við getum gert. Það er alveg mögulegt að við bætum eitthvað við, það kemur bara í ljós."
Torfi Tímóteus Gunnarsson og Jóhann Árni Gunnarsson léku ekki með Fjölni í gær. Ási var spurður út í þeirra fjarveru.
„Við vildum ekki nota stjörnurnar okkar á gervigrasinu í dag," gantaðist Ási og vitnaði þar í að bæði Kári Árnason og Sölvi Geir Ottesen léku ekki með Víkingum fyrr um kvöldið vegna meiðslahættu.
„Nei, þeir eru meiddir báðir tveir," sagði Ási um fjarveru leikmannanna tveggja. Hann var að lokum beðin um að gera upp Reykjavíkurmótið í heild, hvað tekur hann úr þessu móti?
„Við erum alltaf að reyna bæta okkur. Við vinnum í Reykjavikurmótinu út frá frammistöðu í leikjum, kannski meira en úrslitum. Við tökum út úr þessu að við þurfum að bæta okkur - við höfum ekki unnið úrvalsdeildarlið á árinu, við þurfum að gera það til fá einhver stig í sumar," sagði Ási við Fótbolta.net að lokum.
Athugasemdir
