Bryndís Arna Níelsdóttir verður mögulega ekki með íslenska landsliðinu í næstu tveimur leikjum liðsins þar sem hún er viðbeinsbrotin. Hún brotnaði í fyrsta leik Växjö í sænsku úrvalsdeildinni og hefur því ekki verið í leikmannahópnum síðan.
Í samtali við Fótbolta.net segir Bryndís að hún verði 6-8 vikur að jafna sig á brotinu. Bryndís meiddist 14. apríl og sex vikum eftir þá dagsetningu á landsliðið tvo leiki. Ef Bryndís missir af leikjunum verður það annað höggið fyrir liðið á skömmum tíma því fyrr í vikunni var greint frá því að Sædís Rún Heiðarsdóttir væri að glíma við meiðsli.
Bryndís skoraði flest mörk af öllum í Bestu deildinni í fyrra, skoraði all 15 mörk í 22 leikjum með Val. Í kjölfarið samdi hún svo við Växjö. Hún er tvítugur framherji sem var í byrjunarliðinu gegn Póllandi í síðasta landsleikjaglugga og kom inn af bekknum gegn Þýskalandi. Framundan, sitthvoru megin við mánaðamótin maí/júní eru tveir leikir gegn Austurríki sem eru lykilleikir í undankeppninni.
Alls á Bryndís að baki 6 leiki fyrir A-landslið og í þeim hefur hún skorað 1 mark.
föstudagur 31. maí
Landslið kvenna - Undankeppni EM
00:00 Þýskaland-Pólland
16:00 Austurríki-Ísland (Josko Arena Ried)
þriðjudagur 4. júní
Landslið kvenna - Undankeppni EM
00:00 Pólland-Þýskaland (Stadion Miejski w Gdyni)
19:30 Ísland-Austurríki (Laugardalsvöllur)
Landslið kvenna - Undankeppni EM
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þýskaland | 2 | 2 | 0 | 0 | 6 - 3 | +3 | 6 |
| 2. Austurríki | 2 | 1 | 0 | 1 | 5 - 4 | +1 | 3 |
| 3. Ísland | 2 | 1 | 0 | 1 | 4 - 3 | +1 | 3 |
| 4. Pólland | 2 | 0 | 0 | 2 | 1 - 6 | -5 | 0 |
Athugasemdir
