Heimild: Austurfrétt
Georgi Stefanov, búlgarskur leikmaður Hattar á Egilsstöðum, er sakaður um að hafa í tvígang verið með kynþáttafordóma í garð Brenton Muhammad, markvarðar Ægis, í viðureign liðanna í 2. deild í dag.
Ægir vann leikinn 2-0 en frá málinu er greint á vef Austurfréttar.
Ægir vann leikinn 2-0 en frá málinu er greint á vef Austurfréttar.
Dómarateymið varð ekki var við neina fordóma og því fékk Stefanov ekki rautt spjald í leiknum. Varamenn sem voru að hita upp við markið sem Muhammad var í heyrðu hinsvegar hvað fram fór.
Leikmaður Hattar segir að Stefanov hafi kallað Muhammad apa í tvígang.
„Markvörður Ægis var stórmannlegur og fór beint til Stefanov og faðmaði hann og tók í höndina á honum. Að því loknu komu Hattarmenn einn af öðrum og tóku utan um markvörð andstæðingana og báðu Ægismenn afsökunar á þessari framkomu. Ótrúleg uppákoma á knattspyrnuvelli á Austurlandi árið 2015," segir í frétt Austurfréttar.
Gunnlaugur Guðjónsson þjálfari Hattar segir að tekið verði tekið á málinu innanbúðar hjá félaginu og leikmanninum veittur möguleiki á skýra mál sín. Rasismi sé ekki líðandi.
Athugasemdir