Heimild: El Mundo Deportivo
Spænska blaðið El Mundo Deportivo fer fögrum orðum um Eið Smára Guðjohnsen leikmann Barcelona eftir sigurmark hans gegn Real Betis í gær.
Eiður Smári kom inná af varamannabekknum og skoraði sigurmark liðsins þegar tíu mínútur voru eftir í 3-2 sigri.
"Gracias Guddy" er fyrirsögnin á forsíðu El Mundo en á íslensku er það "Takk fyrir Guddy".
Eiður Smári hefur mátt verma varamannabekk Barcelona mikið á þessari leiktíð en þetta var í annað skiptið sem hann fær að koma inná.
Í umfjöllun El Mundo Deportivo er Eiði Smára líka þakkað fyrir að bjarga kvöldinu fyrir Samuel Eto´o sem var að skora sitt 100 mark fyrir Barcelona.
Athugasemdir