Fjórum mínútum var bætt við. Rúmlega mínúta eftir af þeim tíma.

Þvílík sókn hjá Víkingum. Muhammed Mert átti skot sem var varið og svo náði Erlingur skallanum. KR-ingar ná þó að hreinsa frá. Lítið eftir.

Guðmundur Andri kom ekki inn. Það var auðvitað Axel Sigurðarson, smá misskilningur hér á KR-vellinum.

Castillion setur aukaspyrnuna rétt yfir markið.

Skúli Jón brýtur á Ívari rétt fyrir utan teig. Aukaspyrna dæmd.

Víkingar vilja fá vítaspyrnu. Ívar Örn virðist falla í teignum en ekkert dæmt.

Castillion verið töluvert betri í þeim síðari en í þeim fyrri. Hefur haldið bolta vel og verið flottur.

Arnór Sveinn með skalla framhjá eftir hornspyrnu. Ágætis tilraun þarna.

Castillion sleppur í gegn, fer framhjá Stefáni og skorar en búið að flagga. Þetta virtist vera ansi tæpt.

KR-ingar í basli með rangstöðuna. Tvisvar á stuttum tíma sem leikmenn eru að stinga sér inn fyrir en sendingin of sein að koma. Thomsen reyndi nú stungu inn á Sandnes.

Ekkert spennandi að gerast í augnablikinu. Það er miðjumoð og misheppnaðar sendingar sem eru að spila stóra rullu.

KR-ingar fengu aukaspyrnu vinstra megin við teiginn. Óskar skilaði honum á fjærstöng og var í raun ekki nálægt því að lauma honum í netið þar megin. Boltinn fór hins vegar framhjá.

Veðuraðstæðurnar orðnar þokkalega slakar. Rignir mikið og bætist í vindinn, frekar grátt yfir borginni í kvöld. Annars er lítið að gerast í sjálfum leiknum.

Síðari hálfleikur er hafinn.

Castillion er ekki að heilla mig í þessum fyrri hálfleik. Hann klappar boltanum mikið og sóknirnar renna yfirleitt út í sandinn í gegnum hann.

Arnþór Ingi brýtur á Morten Beck. Hann verður að passa sig, er á gulu.

Nú liggur Chopart aftur á vellinum og þá fer hann af velli. KR-ingar undirbúa skiptingu.

Niðurstaðan er semsagt aukaspyrna rétt fyrir utan teiginn hjá Víkingum.

Þetta er furðulegasta atvik tímabilsins til þessa. Það var brotið á Gunnar Þór rétt fyrir utan teig en Þorvaldur er lengi að dæma og bíður eftir áliti frá aðstoðardómara. Víkingar halda hins vegar sinni sókn áfram þrátt fyrir að Þorvaldur hafði flautað. Víkingar skora úr þeirri sókn en hvernig gátu þeir ekki tekið eftir þessu?

Óskar Örn með ágætis skot sem fer af varnarmanni og aftur fyrir endamörk. Hótaði nokkrum sinnum skoti áður en hann lét vaða með hægri. Hornspyrna sem KR fær.

Ívar Örn með aukaspyrnu en Stefán Logi heldur þessum bolta örugglega.

Víkingar eru búnir að vera duglegir að finna glufur í varnarleik KR-inga og eru að nýta sér það. Eiga hornspyrnu núna eftir tilraun frá Tufegdzic.

DAUÐAFÆRI!! Tufegdzic lagði boltann inn í teiginn hægra megin og sýndist Alex Freyr vera þarna í teignum og eina sem hann þurfti að gera er að hitta á markið en honum tókst það ekki.

Dofri með slakt skot framhjá markinu. Ágæt hugmynd samt.

Arnór Sveinn þarf að fara af vellinum til aðhlynningar en hann virðist tilbúinn að koma aftur inná og gerir það.

Nú liggur Arnór Sveinn eftir á vellinum eftir viðskipti sín við Ragnar Braga. Þetta lítur ekki vel út, alveg eins og með Chopart áðan.

KR-ingar að leika þokkalega vel fyrstu tuttugu mínúturnar. Á meðan föstu leikatriðin eru hættulegust í sóknarleik Víkinga.

ÍVAR ÖRN!!! Hættuleg aukaspyrna sem Stefán Logi ver út í teiginn, þar var Arnþór Ingi sem náði að hirða frákastið en skotið er slakt og KR-ingar ná að bjarga sér.

Chopart kemur aftur inná. KR-ingar voru að undirbúa skiptingu en Chopart vill spila.

Það er komið með börur inn á völlinn. Willum Þór gæti þurft að gera breytingu strax í byrjun leiks.

VÍKINGUR SKORAR EN ÞAÐ ER DÆMT AF!! Alex Freyr með aukaspyrnu inn í teiginn og mér sýndist þetta vera Vladimir Tufegdzic sem skilaði boltanum í netið. Það var þó búið að flagga. Frábær byrjun á þessum leik.

Uppstilling Víkings 4-2-3-1:
Róbert
Dofri - Milos - Lowing - Ívar
Arnþór Ingi - Halldór Smári
Tufegzdic - Alex Freyr - Ragnar
Castillion

Uppstilling KR 3-4-3:
Stefán Logi
Arnór Sveinn - Skúli Jón - Gunnar Þór
Morten Beck - Pálmi Rafn - Finnur Orri - Ástbjörn
Óskar Örn - Thomsen - Chopart

Morten Beck og Ástbjörn eru sóknarsinnaðir bakverðir í dag.

KR-ingar fá hornspyrnu í byrjun leiks.