Fótboltasérfræðingurinn Jamie Carragher hefur miklar mætur á Michael Olise og Eberechi Eze, öflugum kantmönnum Crystal Palace sem hafa verið að gera frábæra hluti að undanförnu eftir mikil meiðslavandræði á tímabilinu.
Olise og Eze voru báðir meiddir stóran hluta tímabilsins og gekk Palace herfilega án þeirra í liðinu. Gengi liðsins hefur skánað til muna eftir endurkomu þeirra í byrjunarliðið og er Crystal Palace ekki lengur í fallbaráttu eftir að hafa nælt í þrettán stig úr síðustu fimm deildarleikjum.
Palace lagði Liverpool á Anfield og rúllaði svo yfir West Ham á heimavelli í næstu umferð, áður en liðið sigraði Newcastle og Manchester United þægilega á heimavelli og gerði jafntefli úti gegn Fulham.
„Þetta eru verulega gæðamiklir leikmenn sem geta verið erfiðir fyrir hvaða andstæðinga sem er. Ef þið skoðið frammistöðuna gegn Man Utd þá eru þetta leikmenn sem geta spilað fyrir hvaða úrvalsdeildarfélag sem er. Það er talað um að Olise sé helsta skotmark Man Utd í sumar og það er góð ástæða fyrir því," sagði Carragher á Sky Sports.
„Wilfried Zaha var alltaf aðalmaðurinn hjá Palace. Hann er mögulega besti leikmaður sem félagið hefur átt í sögu sinni í úrvalsdeildinni, en ég held að þessir tveir séu enn betri. Þeir hafa vissulega ekki verið lengi hjá félaginu og þetta er í raun stærsta spurningin. Hversu lengi verða þeir hjá Palace?
„Ef Crystal Palace vill taka skref framávið þá getur félagið ekki leyft sér að selja báða þessa leikmenn í sumar. Þetta er félag sem kaupir leikmenn úr neðri deildum og selur þá fyrir gróða, en þeir mega ekki selja Eze og Olise ef þeir vilja styrkja sig sem fótboltalið.
„Eze og Olise eru stórstjörnur og ég vona að þeir verði áfram á Selhurst Park. Það er unun að horfa á þá spila fótbolta."
Olise er 22 ára Frakki en Eze er 25 ára Englendingur.
Olise hefur skorað 9 mörk og gefið 4 stoðsendingar í 17 deildarleikjum það sem af er tímabils, á meðan Eze er kominn með 8 mörk og 3 stoðsendingar í 25 leikjum.
Þeir eru báðir að spila vel undir stjórn Oliver Glasner sem tók við þjálfarastarfinu hjá Palace í lok febrúar og hefur stýrt liðinu fimm sinnum til sigurs í ellefu leikjum hingað til.
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Man City | 37 | 27 | 7 | 3 | 93 | 33 | +60 | 88 |
2 | Arsenal | 37 | 27 | 5 | 5 | 89 | 28 | +61 | 86 |
3 | Liverpool | 37 | 23 | 10 | 4 | 84 | 41 | +43 | 79 |
4 | Aston Villa | 37 | 20 | 8 | 9 | 76 | 56 | +20 | 68 |
5 | Tottenham | 37 | 19 | 6 | 12 | 71 | 61 | +10 | 63 |
6 | Chelsea | 37 | 17 | 9 | 11 | 75 | 62 | +13 | 60 |
7 | Newcastle | 37 | 17 | 6 | 14 | 81 | 60 | +21 | 57 |
8 | Man Utd | 37 | 17 | 6 | 14 | 55 | 58 | -3 | 57 |
9 | West Ham | 37 | 14 | 10 | 13 | 59 | 71 | -12 | 52 |
10 | Brighton | 37 | 12 | 12 | 13 | 55 | 60 | -5 | 48 |
11 | Bournemouth | 37 | 13 | 9 | 15 | 53 | 65 | -12 | 48 |
12 | Crystal Palace | 37 | 12 | 10 | 15 | 52 | 58 | -6 | 46 |
13 | Wolves | 37 | 13 | 7 | 17 | 50 | 63 | -13 | 46 |
14 | Fulham | 37 | 12 | 8 | 17 | 51 | 59 | -8 | 44 |
15 | Everton | 37 | 13 | 9 | 15 | 39 | 49 | -10 | 40 |
16 | Brentford | 37 | 10 | 9 | 18 | 54 | 61 | -7 | 39 |
17 | Nott. Forest | 37 | 8 | 9 | 20 | 47 | 66 | -19 | 29 |
18 | Luton | 37 | 6 | 8 | 23 | 50 | 81 | -31 | 26 |
19 | Burnley | 37 | 5 | 9 | 23 | 40 | 76 | -36 | 24 |
20 | Sheffield Utd | 37 | 3 | 7 | 27 | 35 | 101 | -66 | 16 |
Athugasemdir