Armando Broja hefur ekki riðið feitum hesti á láni hjá Fulham síðustu mánuðina, og það verður ekki mikið pláss fyrir hann þegar hann snýr aftur til Chelsea í sumar.
Broja, sem er 22 ára gamall sóknarmaður, hefur ekki byrjað einn einasta deildarleik frá því hann kom til Fulham á láni frá Chelsea í janúarglugganum.
Hann hefur komið sjö sinnum inn á sem varamaður en ekki enn skorað mark.
Fabrizio Romano segir frá því í dag að Chelsea sé að plana að losa sig við Broja í sumar og búist er við því að hann verði seldur.
Þó hann hafi ekki gert merkilega hluti í ensku úrvalsdeildinni á yfirstandandi tímabili, þá eru einhver félög í deildinni að skoða hann og er líka áhugi á honum annars staðar í Evrópu.
Athugasemdir