Það styttist í að Fótbolti.net bikarinn, bikarkeppni neðri deilda karla, fari af stað en í hádeginu á morgun verður dregið í 32-liða úrslit. Lið í 2., 3. og 4. deild taka þátt og er drátturinn algjörlega opinn.

Líkt og í fyrra verður fjallað vel um keppnina hér á Fótbolta.net með umfjöllunum, viðtölum, sérfræðingum og hlaðvarpsþáttum. Auk þess verður keppnin áberandi á samfélagsmiðlum og úrslitaleiknum gert hátt undir höfði.

Víðir eru handhafi bikarsins eftir að hafa unnið KFG 2-1 í fyrsta úrslitaleik keppninnar á síðasta ári.

   07.05.2024 10:33

Fótbolti.net bikarinn kominn til að vera - Dregið á morgun