Vonir eru um það að Pogba geti byrjað að spila aftur með aðalliði Man Utd fljótlega eftir landsleikjahléið, en franski miðjumaðurinn hefur æft með varaliði félagsins í vikunni.

Jose Mourinho, stjóri United, hefur sent flesta aðalliðsleikmennina, sem eru ekki á leið í landsleiki, í frí. Á meðal þeirra leikmanna sem voru sendir í frí eru Chris Smalling, Ander Herrera, Juan Mata og miðjumaðurinn efnilegi Scott McTominay.

En Pogba var eftir á æfingasvæði United þar sem hann vonast til þess að ná leiknum gegn Newcastle þann 18. nóvember. Með honum á varaliðsæfingu voru Marcos Rojo og Michael Carrick.