Rostov 0 - 0 Zenit
Rússneska liðið Rostov fýlar að hafa íslenska leikmenn í sínum röðum. Í dag eru þrír Íslendingar á mála hjá félaginu og spiluðu þeir allir í dag er liðið mætti lærisveinum Roberto Mancini í Zenit.
Sverrir Ingi Ingason hefur verið lengst af Íslendingunum hjá Rostov en félagar hans í íslenska landsliðinu, Ragnar Sigurðsson og Björn Bergmann Sigurðarson komu í janúar. Rostov hefur líka verið á eftir Herði Björgvin Magnússyni en það hefur ekki tekist að lokka hann frá Bristol City á Englandi.
Í dag byrjuðu Sverrir, Ragnar og Björn og spiluðu þeir allir 90 mínútur í leiknum sem endaði markalaus.
Rostov byrjaði tímabilið vel en liðið er þessa stundina í 10. sæti með 26 stig úr 22 leikjum. Zenit er í þriðja sætinu.
Leikurinn í dag fór fram í borginni Rostov On Don en þar leikur Ísland við Króatíu á Heimsmeistaramótinu í Rússlandi í sumar.
Athugasemdir