„Þetta er ekki bara ungt lið, það eru margir 27, 28 ára í liðinu og það eru þarna leikmenn með 80, 90 landsleiki, þannig voru þeir síðast. Það verður spennandi að sjá hvað þeir gera núna."

Í handboltalandsliði Katar eru flestir leikmennirnir ættaðir frá öðrum löndum, en í fótboltanum geta þeir ekki fengið leikmenn frá öðrum löndum til að spila fyrir landsliðið. Í staðinn þurfa þeir að byggja liðið upp á leikmönnum frá Katar.

„Þeir hafa þurft að byggja mikið upp. Þeir lagt rosalega mikið í uppbyggingu og tekið inn marga góða þjálfara, mikið frá Spáni sem hafa verið að vinna með þessum leikmönnum. Þetta eru mjög flinkir leikmenn, góðir einn á einn, snöggir og kvikir og þeir spila þannig bolta," segir Helgi um landsiðið í Katar.

Í Katar er mjög sterk fótboltaakademía, en það hefur verið mikill peningur lagður í hana.

„Peningar skipta voða litlu í þessum málum, þannig að þeir reyna að gera það besta og vilja hafa þetta eins flott og mögulegt er."

Á þriðjudaginn leikur Ísland vináttulandsleik gegn Katar í Doha. Það verða miklar breytingar á liði Íslands fyrir þann leik.

„Við verðum að nýta tækifærið og gefa strákunum sem ekki hafa verið að spila mikið tækifæri, við verðum að dreifa álaginu á alla. Það var líka hugsunin með þessari ferð, og um að gera að nýta það fyrir okkur alla, ekki bara okkur þjálfaranna, heldur fyrir leikmennina líka. Þeir geta sýnt sig og undirbúningurinn fyrir Rússland er hafinn."

Mun Gylfi Sigurðsson spila á þriðjudag?

„Það er möguleiki á því," sagði Helgi að lokum.

Viðtalið er í heild sinni í spilaranum hér að ofan.