Þóra Björg skoraði eitt af mörkum Íslands gegn Serbíu.
Íslenska kvennalandsliðið mun mæta Serbíu í umspili um áframhaldandi sæti í A-deild Þjóðadeildarinnar en dregið var í hádeginu.
Í umspilinu eru tveir leikir, heima og að heiman. Ísland spilar fyrri leikinn á útivelli og sá seinni er skráður heimaleikur. Leikið verður á tímabilinu 21. - 28. febrúar.
Í umspilinu eru tveir leikir, heima og að heiman. Ísland spilar fyrri leikinn á útivelli og sá seinni er skráður heimaleikur. Leikið verður á tímabilinu 21. - 28. febrúar.
Ísland hefur sex sinnum mætt Serbíu í A-landsliðum kvenna, síðast í undankeppni HM á Laugardalsvelli 14. september 2014.
Ísland vann þá 9-1 sigur þar sem Harpa Þorsteinsdóttir (2), Dagný Brynjarsdóttir (2), Rakel Hönnudóttir (2), Glódís Perla Viggósdóttir, og Arna Sif Ásgrímsdóttir skoruðu.
Þá skoraði markvörðurinn Þóra Björg Helgadóttir úr vítaspyrnu á 65. mínútu í sínum síðasta landsleik.
Ísland hefur unnið alla leiki sína gegn Serbíu, samtals með markatölunni 27-2,
Leikirnir sex milli Íslands og Serbíu:
2014: Ísland - Serbía 9-1
2013: Serbía - Ísland 1-2
2010: Serbía - Ísland 0-2
2009: Ísland - Serbía 5-0
2008: Serbía - Ísland 0-4
2007: Ísland - Serbía 5-0
Athugasemdir
