Enska blaðið Telegraph hitar upp fyrir stórleik Manchester United og Liverpool með því að velja sameiginlegt byrjunarlið úr þeim leikmönnum sem verða leikfærir. Leikurinn verður klukkan 16:00 á sunnudag. Telegraph stillir upp í 4-2-3-1.
Markvörður: David de Gea (Manchester United) - Auðvelt val. Er besti markvörður ensku úrvalsdeildarinnar.
Hægri bakvörður: Antonio Valencia (Manchester United) - Verið mjög stöðugur á tímabilinu. Hefur naumlega betur gegn Nathaniel Clyne.
Miðvörður: Phil Jones (Manchester United) - Hefur verið eins og kóngur í vörninni síðan hann kom inn í liðið.
Miðvörður: Dejan Lovren (Liverpool) - Lykilmaður í vörn Liverpool undir Klopp.
Vinstri bakvörður: James Milner (Liverpool) - Hefur hreinlega verið stórkostlegur í þessari stöðu á tímabilinu.
Miðjumaður: Jordan Henderson (Liverpool) - Verður klár í slaginn á sunnudag. Hefur naumlega betur gegn Ander Herrera og Michael Carrick.
Miðjumaður: Paul Pogba (Manchester United) - Er algjörlega farinn að stýra leikjum og hefur verið frábær síðustu vikur.
Sóknarmiðjumaður: Philippe Coutinho (Liverpool) - Stórskemmtilegur leikmaður sem er kominn úr meiðslum. Sífellt ógnandi.
Hægri vængur: Adam Lallana (Liverpool) - Er að eiga sitt besta tímabil á ferlinum. Blómstrar.
Vinstri vængur: Henrikh Mkhitaryan (Manchester United) - Ákveðinn í að sýna að hann getur líka sýnt bestu hliðarnar í stórleikjum.
Sóknarmaður: Zlatan Ibrahimovic (Manchester United) - Hefur verið iðinn við kolann og líklegur til að njóta sín í stórleikja-andrúmsloftinu.
Athugasemdir
