Kolbeinn hefur verið að glíma við erfið hnémeiðsli og segir á vefsíðunni að enn virðist vera talsvert í að hann komist í ásættanlegt stand fyrir frönsku úrvalsdeildina.

Hjörvar Hafliðason sagði í útvarpsþættinum Brennslunni í morgun að sögusagnir væru í gangi um að Kolbeinn gæti farið með íslenska landsliðinu í komandi verkefni í Bandaríkjunum.

Ísland mætir Mexíkó og Perú í vináttulandsleikjum 23. og 27. mars en íslenski hópurinn verður opinberaður á föstudaginn. Kolbeinn var lykilmaður á EM 2016 og skoraði sögulegt mark gegn Englandi.

Hann hefur verið á meiðslalistanum síðan mótið fór fram.

Hér að neðan má sjá mörkin úr þessum varaliðsleik en Kolbeinn kemur að aðdraganda fyrsta marksins.