Argentínski knattspyrnumaðurinn Lionel Messi, sem leikur með Barcelona, verður í eldlínunni með sínum mönnum í kvöld þegar liðið heimsækir PSG frá Frakklandi.
Messi hefur skorað 93 mörk til þessa í Meistaradeildinni á ferlinum og er einungis tveimur mörkum á eftir Cristiano Ronaldo, leikmanni Real Madrid, á lista yfir markahæstu leikmenn í sögu keppninnar.
Messi var í banastuði í riðlakeppninni fyrir áramót og skoraði alls tíu mörk.
Haldi hann uppteknum hætti í kvöld er ekki ólíklegt að hann nái að jafna Ronaldo á listanum yfir markahæstu menn í kvöld.
Athugasemdir