Evans er enn í leikbanni en hinir eru á meiðslalistanum. Luke Shaw er þó tilbúinn í slaginn og getur spilað.

Miðjumaðurinn Carrick fór meiddur af velli í lok 4-2 sigursins gegn Manchester City um síðustu helgi en hann hefur verið afar mikilvægur fyrir United og átti stórleik í grannaslagnum.

Þessar fréttir minnka bjartsýni stuðningsmanna United fyrir þennan leik. Luke Shaw verður líklega í vinstri bakverðinum og Paddy McNair með Chris Smalling í hjarta varnarinnar.

Louis van Gaal sagði á fréttamannafundi í dag að meiðslin gætu gert það að verkum að Wayne Rooney yrði aftur settur á miðjuna í leiknum á morgun.

„Þetta er mjög slæm staða og ég hef ekki marga kosti varnarlega," segir Van Gaal.