Knattspyrnusambönd Íslands og Kanada hafa komist að samkomulagi um að karlalandslið þjóðanna leiki 2 vináttulandsleiki, 16. og 19. janúar.
Leikirnir fara fram í Florida í Bandaríkjunum en þetta verða annar og þriðji leikurinn á milli karlalandsliða þessara þjóða.
Leikirnir fara fram í Florida í Bandaríkjunum en þetta verða annar og þriðji leikurinn á milli karlalandsliða þessara þjóða.
Ekki er um að ræða alþjóðlegan leikdag og því er líklegt að flestir leikmenn í íslenska hópnum komi úr félögum á Norðurlöndunum.
Leikið verður á velli University of Central Florida, "UCF Soccer and Track Complex", sem staðsettur er í Oviedi í Florida.
Eini leikurinn hingað til fór fram árið 2007 þegar leikinn var vináttulandsleikur á Laugardalsvelli sem lauk með 1 – 1 jafntefli. Kanada er sem stendur í 110. sæti á styrkleikalista FIFA en liðið gerði markalaust jafntefli gegn Panama í síðasta leik sínum, í vináttulandsleik sem fram fór 18. nóvember síðastliðinn.
Þjálfari kanadíska landsliðsins er Spánverjinn Benito Floro sem hefur þjálfað mörg félagslið á Spáni og var m.a. þjálfari Real Madrid á árunum 1992 – 1994.
Athugasemdir
