Tony Fernandes, eigandi QPR, hefur sent frá sér yfirlýsingu þar sem hann blæs á sögusagnir þess efnis að knattspyrnustjórinn Harry Redknapp sé valtur í sessi.

QPR er í næstneðsta sæti ensku úrvalsdeildarinnar og orðrómur hefur verið um að hann sé við það að missa starfið. Fernandes neitar því.

,,Mér fannst vera kominn tími á að enda allar sögusagnir svo allir geti einbeitt sér að áskoruninni sem er framundan," sagði Fernandes í yfirlýsingunni.

,,Ég tel að Harry sé besti maðurinn til að koma okkur úr þeirri stöðu sem við erum í."