Spilað í bláu í báðum leikjunum
Íslenska landsliðið er í æfingaferð í Bandaríkjunum þessa dagana og leikur þar tvo leiki á föstudag og mánudag.
Liðið mun þar frumsýna nýju búningana sem liðið leikur í á Heimsmeistaramótinu í Rússlandi næsta sumar.
Ísland mætir Mexíkó á heimavelli San Fransisco 49ers í Santa Clara á föstudagskvöldið og á miðvikudaginn mæta þeir svo Perú í New Jersy.
Nú er ljóst að Ísland mun spila í bláum búningum í báðum þessum leikjum.
Þetta verða fyrstu leikirnir sem liðið klæðist nýju búningunum frá Errea. Búningarnir voru kynntir í síðustu viku.
Þeir hafa fengið góðar mótttökur en um 85% lesenda Fótbolta.net segjast lítast mjög vel eða þokkalega á þá samkvæmt nýjustu tölum í könnun á forsíðu.
Athugasemdir